士師記 19章16節 到 19章30節   背景資料  上一筆  下一筆
Chit段經文描述基比亞城內ê便雅憫族人真正是惡質到極點,mā說明in chit種可惡ê行踏,就kah創世記第十九章所描述ê所多瑪城居民之惡行惡狀仝款。

第16到17節,chia講有一位老人看見chit位利未人kah伊ê細姨、奴僕,而chit-ê老人以前mā是tòa tī以法蓮山區,chit-má移居tī基比亞ê人,án-ne,伊mā算是一個外地人,伊看見這利未人,就先問伊兩個問題:「你tùi tó位來?behgōa chē?」這mā是當時流行ê一句類似請安ê話,表示關心ê意思。

第18到19節,這利未人回答ê內容真重要ê一點,是表示伊只需要借tòa過瞑,bē增加接待者ê負擔,因為伊ê驢á mā有夠額ê草料養飼,in ê食物mā lóng夠額。換句話講,伊只是需要一個遮蔽暗時風寒ê所在而已。

第20到21節,這老人聽隨時表示歡迎並接待這利未人,m̄-nā提供洗腳、食飯,mā同時養飼伊ê驢á,án-ne,利未人回鄉ê路上就bē發生缺乏。

第22到25節,chit段經文thang看出基比亞城居民ê人,in ê態度ná親像創世記第十九章4到9節描述所多瑪城人ê邪惡行踏差不多完全仝款。Tī chia講有一陣基比亞ê無賴,知影有外出ê人來寄居tī這老人ê厝裡,就來騷擾這老人,強烈要求這老人kā接待ê人客交出來hō͘ in滿足淫亂ê行為。

M̄-koh chit位基比亞老人表示伊既然接待了利未人kah伊ê細姨、奴僕,mā就有責任庇護人客ê安全,因為án-ne,伊願意kā家己iáu未出嫁ê cha-bó͘-kiáⁿ交hō͘ chit群基比亞ê無賴去凌辱,mā無願意hō͘這利未人kah伊ê細姨、奴僕受tio̍h傷害。伊一再提醒chit群無賴,bē-tàng tī chit利未人ê身上做「hit種缺德ê事」,teh暗示in當teh做一種「隨心所beh」ê淫蕩行為。

第23節「缺德」一詞,表示ê是「愚戇」ê意思。這老人對hit群無賴講ê話,意思是in如果beh性交,應該是chhōe異性ê chiah正確。Á chit位利未人會án-ne kā家己ê細姨交出來,可能是因為想tio̍h家己是出外人,而且tī無人接待伊ê時chūn,chit位年老ê人接待伊到厝裡過瞑,而且非常熱情ê接待伊,如果由伊尚且是處女ê cha-bó͘-kiáⁿ來代替伊kah細姨ê安全,伊寧可用家己ê細姨解除chit-ê危險。M̄-koh chit群無賴聽bē落去這老人ê苦勸,利未人為tio̍h beh庇護這接待伊ê老別人中iáu未出嫁ê cha-bó͘-kiáⁿ,就kā家己ê細姨推出門外去hō͘ chit群無賴「隨心所beh」地去做in想beh做ê事,結果chit群無賴是整夜強姦這利未人ê細姨,直到天光。

Chit段經文講述了幾件重要ê事:一是基比亞ê長老對chit種行為有看kah-ná無看tio̍h。二是這老人知影若是kā利未人交出去,mā表示伊以後會受tio̍h ê侮辱會遠大tī犧牲家己iáu未出嫁ê cha-bó͘-kiáⁿ。因為當時ê社會制度、風俗,庇護厝內ê人客,是一種性命ê榮譽。三是這利未人並無ná親像頭前敘述過ê,伊tùi丈人手中爭tńg來了所疼ê細姨,卻tī危險ê時刻,hō͘家己ê細姨受tio̍h siōng大ê凌辱、傷害。

第26到28節,天一下光,這利未人看見家己ê細姨雙手搭tī戶碇頂,倒tī門口,叫不醒來,就知影伊已經往生,伊kā細姨ê屍體khǹg tī驢á ê尻脊骿頂帶tńg去厝裡。雙手搭tī戶碇頂,mā teh表示chit-ê細姨有tńg來呼叫,m̄-koh卻無得tio̍h回應。

第29到30節,chit兩節mā講出chit-ê利未人仝款無走chhōe應該有ê規矩,向長老提出控訴。伊mā是仝款tī「無君王,人人隨家己歡喜ê去做」。伊kā家己ê細姨ê屍體分屍成十二塊,送到每一個支族hia,伊用chit種方式表達一種控訴ê方式。如果連利未人lóng án-ne m̄知遵行摩西律法ê規矩,ná親像米迦厝內ê hit位利未人,kah chit位利未人使用報復ê方式,lóng是teh暗示以色列人民已經是棄sak上帝真遠、真遠à。這利未人ê chit種分屍方式,後來掃羅當以色列人民ê王ê時,mā bat經有過用兩頭牛,kā牛砍成碎塊,然後命令使者帶tio̍h chiah-ê牛ê碎塊到以色列各地區去,結果以色列人民非常激憤地聯合起來,共計派出三十三萬軍隊對抗來侵犯ê亞捫人(參考撒母耳記上十一:7—9)。

Koh講,若是chit-ê利未人是一定tio̍h用chit種方式chiah ē-tàng喚醒良知,ná mā thang看出以色列人民心靈是麻痺到非常嚴重了!果然,看見這情景ê人lóng無法忍受落來,in決定beh採取懲罰ê行動。

重新查詢 專卷研經 士師記系列
錯誤回報,請聯繫comm[@]fhl.net