士師記 1章22節 到 1章36節   背景資料  上一筆  下一筆
Chit段經文記載以法蓮、瑪拿西、西布倫、亞設、拿弗伊利等支族攻打迦南地其他地區ê情形。

注意chit段經文一再重複ê一句話──in無kā迦南人全部趕出去(參考第28節、第30節、第32節、第33節)。比較特別ê是亞摩利人m̄-nā phah贏了以色列ê「但族」,koh kā in逼上了山區,這表示亞摩利人是有真好ê防禦能力,同時mā表示以色列人teh進攻迦南地ê時,tú-tio̍h困難,並m̄是每件軍事行動lóng真順利。唯一值得注意ê是,約瑟家族ê以法蓮kah瑪拿西兩支族攻打伯特利ê時,得tio̍h「上主幫助in」(第22節)。

第22到25節,chit段經文講約瑟ê kiáⁿ孫以法蓮kah瑪拿西chit兩個kiáⁿ ê支派,去攻打伯特利城ê經過,是利用探á知影怎樣進入hit-ê城,並且the̍h落來hit-ê城,攻城ê經過類似約書亞率領以色列軍隊攻打耶利哥城ê情形,mā是利用探á先進入探虛實,後來得tio̍h妓女喇合幫忙,而約書亞mā無殺害喇合ê厝內人(參考約書亞記第六章)。

第26節,赫人ê土地,這mā是屬tī迦南人ê所在地。

第27到28節,chia提起提起瑪拿西支派ê人,雖然phah贏,m̄-koh並無親像約書亞hit種,kā佔領區內ê原住民驅離,卻是tī後來kā chiah-ê原住民當做奴隸看待。

第29節,這是用法蓮支派,mā是仝款,無kā佔領區內ê原住民趕離開,而hō͘ in繼續留落來。

第30節,這是西布倫支派ê人,in仝款允准佔領區ê居民繼續tòa tī in中間。

第31到32節,這是亞設支派ê人,仝款允准in佔領區內ê原住民繼續留tiâu in中間。

第33節,這是拿弗伊利族ê人,in mā是仝款無趕走佔領區內ê居民。

第34到35節,但族人tī戰事頂面顯然並無順利,in無法度攻落亞摩利人ê城市,反tńg被逼退居到山頂去,無法度落去到平原來。後來亞摩利人是hō͘以法蓮kah瑪拿西支派ê人hō͘征服,並且奴役in。

第36節,chia所講ê「以東人」,m̄-koh tī希伯來文是寫「亞摩利人」,chit節寫關係地區範圍,kah前文接不起來。

重新查詢 專卷研經 士師記系列
錯誤回報,請聯繫comm[@]fhl.net