約書亞記 6章1節 到 6章11節   背景資料  上一筆  下一筆
Chit章是teh記述以色列軍隊攻入耶利哥城ê情形。Tùi第二章開始派人去探測耶利哥城ê景況後,準備攻城,然後tī chit章達tio̍h高峰。Á耶利哥城mā是以色列人民進入迦南地了後,第一個攻落來ê城鎮。

Chit段經文說明約書亞kā以色列人民講進攻耶利哥城ê作戰方式。

第1節,「耶利哥」,chit-ê名ê意思是「月城」,真可能是因為敬拜「月娘之神」而得名。Hit-ê城ê人已經知影以色列人民準備來進攻,因為án-ne,就「嚴加戒備」、「關ân城門」來應戰。

第2到5節,其實,戰爭是上帝teh指導,mā是上帝teh替以色列人民征戰。因為án-ne,上帝會kā約書亞講怎樣攻打耶利哥城。上帝beh約書亞吩咐祭司扛約櫃、pûn號筒phah先鋒,因為án-ne,祭司tī戰爭中並m̄是閒tio̍h無事,mā無法度因為in是宗教師就拒絕參與戰爭,in teh攻打耶利哥城ê戰事頂面是扮演「先鋒」ê角色。Á吹羊角號,這真可能kah亞伯拉罕當時獻以撒ê時,上帝親自準備ê羊羔,羊ê兩角纏tī樹叢裡有關(參考創世記廿二:13),因為án-ne用羊角mā有表明「上帝會家己預備」ê意思。Chia強調「七」個祭司、「七」天、繞城「七週」等,lóng是用「七」ê數目表示。

「七」是神聖ê數目,chia表明攻打耶利哥城是上帝親自領軍。並m̄是講以色列軍隊都無出力,卻是有上帝kah in並肩作戰。

第6到7節,約書亞就照上帝指示ê方式,命令祭司七人the̍h-tio̍h號角行tī約櫃頭前吹號,然後前鋒軍隊行tī約櫃頭前。

第8到11節,約書亞指揮tio̍h kui個軍隊,照伊ê命令做tāi-chì,tang時該吹號,tang時該吶喊,lóng tio̍h聽從伊ê指揮。這是第一工ê作戰。

重新查詢 專卷研經 約書亞記系列
錯誤回報,請聯繫comm[@]fhl.net