約書亞記 24章14節 到 24章28節   背景資料  上一筆  下一筆
Chit段經文ē-sái講是kui本約書亞記siōng重要ê經文,chit節說明上帝奴僕ê基本態度:無論tú-tio̍h怎樣ê困境,一生一世lóng敬拜上帝。伊kā chit種態度真明顯pái tī以色列各支族ê代表面前,ài in馬上做出一個明確ê信仰選擇,mài含糊。這是信仰siōng基本ê態度──絕對無法度含糊。這ná親像摩西tī往生chìn前,對所有ê以色列人民所講ê仝款,tio̍h以色列人民tī「祝福kah詛咒之間自做選擇」仝款(參考申命記三十:1)。

第14到15節,chit兩節是約書亞kā家己ê態度講清楚,伊kah伊ê厝絕對beh忠實tī上帝,只有tāi-chì奉上帝。Á以色列人民mā一定tio̍h家己選擇到底beh事奉ê神是toh一位?是偶像神明,á是真神上帝?

第16到18節,以色列人民聽了後,全部lóng用宣誓ê語句講:「阮mā tio̍h事奉上主;祂是阮ê上帝。」這是in ê信仰告白,表示對上帝絕對忠實。
第19到20節,約書亞m̄-nā先對以色列人民提出挑戰,甚至明確地說明伊所認bat ê上帝ê特性是:神聖bē-tàng侵犯ê。上帝是忌邪ê上帝(參考申命記五:9)。如果in真正去拜偶像神明,上帝絕對bē寬容hiah-ê故意背叛祂ê人。

第21到22節,以色列人民koh一pái表明in一定會遵守只有「事奉上主」ê性命態度。Á約書亞ài in為家己所講ê話作保。

第23到24節,約書亞ài in kā所有ê偶像神明lóng除掉,而以色列人民mā表示一定會án-ne做,會聽從上帝ê旨意。

第25到28節,chit三節是約書亞chhōa以色列人民向上帝立約,是用立石頭作碑表明立約ê記號。這是一種傳承,tùi亞伯拉罕時代就有ê,可見tī巴勒斯坦地方chit種立石為碑ê作法非常風行。當立約了後,大家各自tńg去家己族人所分得ê土地。

重新查詢 專卷研經 約書亞記系列
錯誤回報,請聯繫comm[@]fhl.net