約書亞記 21章43節 到 21章45節   背景資料  上一筆  下一筆
Chit三節是分配土地後ê總結論,其實在約書亞ê時代並無ná親像第43節所講ê,完全佔領所有ê迦南地,卻是iáu有一部分ê土地iáu-koh是tī迦南人ê手中(參考十三:1—7)。士師記第一章起頭就清楚記載,講猶大支族koh繼續去攻打迦南人。

Chit段經文siōng主要tī第45節所講ê,上帝乃是堅持守約ê上帝。M̄-koh,這mā一定tio̍h有相對條件來配合,he就是以色列人民mā堅持遵守kah上帝所立ê約,若無,就無法度實現第44節所講ê「上主賜hō͘ in全境太平,tú親像伊對in ê祖先所應允ê」chit句話,像接落去ê士師記第二章第7節就是án-ne講:「約書亞tī-.teh ê 日,kah 約書亞死了後hiah-ê看tio̍h 上主為以色列人所行大事ê 長老iáu tī-.teh ê 時,人民服事上主(全民版)」 m̄-koh,「Hit 代ê 人lóng死亡了後,koh 一代ê 人興起,m̄ 知上主,mā m̄ 知祂為以色列人所行ê tāichì。以色列人行上主看做pháiⁿ ê tāichì,去服事巴力,棄sak in 祖先ê 上帝—上主,就是chhōa in 出埃及地ê,去tòe 別ê 神明,就是四箍圍hiah-ê 人民ê 神明,kā in 跪拜, 來惹上主ê 大受氣。In mā 棄sak 上主,去服事巴力kah 亞斯她錄(全民版)」(士師記二:10─13)án-ne,in所得tio̍h ê就m̄是「全境太平」,卻是變成:「上主受氣以色列ê人,kā in 交tī 搶掠in ê 人ê 手,in 就kā in 搶,祂 koh kā in 賣 hō͘ 四箍圍對敵ê 手,致使in tī 對敵ê 頭前無koh khiā會tiâu。 In 無論去tó 位,上主就伸手降災禍 hō͘ in,照上主所講 ê 話,koh 照上主對in所chiù-chōa ê,in就非常困苦。(全民版)」(士師記二:14─15)

重新查詢 專卷研經 約書亞記系列
錯誤回報,請聯繫comm[@]fhl.net