約書亞記 1章10節 到 1章18節   背景資料  上一筆  下一筆
Chit段經文是約書亞第一pái下達pôaⁿ過約旦河以色列人民一定tio̍h準備ê命令,特別叮嚀呂便、迦特,以及半個瑪拿西支族,in雖然留tī約旦河東岸,m̄-koh in ê戰士一定tio̍h kah其他支族ê人同時pôaⁿ過約旦河進入迦南地去相刣。

第10到11節,chia提起tio̍h準備食物,好佳哉「三工」內beh渡約旦河去攻打迦南地,第二章16節、22節、第九章16節、17節等等lóng有提起「三工」。「三工」Tī聖經中有特殊ê意義,比如摩西對埃及國王請求,beh chhōa以色列人出埃及,行「三工」ê路程去曠野敬拜上帝(參考出埃及記三:18;八:27),先知約拿tī大魚ê腹肚內「三工三暝」(參考約拿書一:17),耶穌tī墳墓中有「三工」ê時間,chiah-ê lóng teh表明「三工」ê特殊意義,說明ê是tú好,á是夠額ê意思。

第12到15節,是koh一pái提醒呂便、迦得兩支派,以及瑪拿西半支族ê人將家族留tī約旦河東岸,其餘戰士lóng tio̍h kah其他支族ê pôaⁿ過約旦河進入迦南地,直到其他支派ê人lóng佔領ê迦南地,並安頓好勢了後,in chiah ē-tàng tńg去東岸。Chit段記事thang參考民數記第三十二章kah申命記第三章12到20節等等經文,已經詳細說明chit兩個半支族一定tio̍h目前鋒過約旦河ê原因。

第16到18節,chit兩個支派半ê人民lóng回答約書亞講:「你命令阮做甚麼,阮就做甚麼;你派阮到甚麼所在,阮就到甚麼所在。」chit句話已經清楚表明兩件事:一是in表示效忠約書亞ê領導,真心順服伊。二是表示忠於家己所立過ê約。

重新查詢 專卷研經 約書亞記系列
錯誤回報,請聯繫comm[@]fhl.net