約拿書 1章1節 到 1章17節   背景資料  下一筆
約拿書chit本經冊ê寫法kah一般先知文獻ê類型真無仝款,原因為chit本經冊是用故事ê方式寫出來,當然舊約聖經中mā有先知是用故事當做傳達上帝信息做題材ê,親像撒母耳記下第十二章1到4節,先知拿單指責大衛王錯誤行為就是一個例。M̄-koh像約拿書án-ne完kui篇幅之題材ê,Tī聖經中ē-sái講是無,而這是kan-taⁿ有ê一本。Koh講,約拿書ê作者teh談上帝之愛ê時,只談上帝ê赦免、赦免,不談上帝ê懲罰,chit點mā是chit本經冊siōng中心ê信息。 

約拿書mā是用一個上帝奴僕先知約拿當做故事主角,講tio̍h伊對外國人ê排斥之重,反映出當時ê以色列人民ê心結。作者用chit種題材想表達一件事:上帝並無像以色列人民所想像ê hit種狹,卻是有豐富ê疼,大大超過以色列人民久長以來所認bat ê上帝。

Chit章談起上帝命令先知約拿到伊ê對敵者尼尼微城去宣告上帝beh懲罰ê信息。M̄-koh約拿決定逃避上帝chit項指令,m̄-koh上帝決定揀選伊,hō͘伊無法度逃避,即使伊想bih tī深海ê底層,上帝á是仝款kā伊「掠」了tńg來。

第1節,「上主向某某人講」chit種句型,to̍h是先知文獻特有ê文學形式(參考列王記上十七:8,耶利米書一:2,何西阿書一:2,約珥書一:1,哈該書一:1、3,撒迦利亞書一:1)。Chit種寫法lóng tī說明一件事:先知所beh傳講ê話語,lóng是上帝beh伊傳講ê,m̄是伊個人ê意思。

Chit節講約拿ê老父是「亞米太」。在列王紀下第十四章25節有亞米太是「迦特‧希弗人」。因為án-ne,thang肯定講有一位先知名叫約拿,伊是迦特‧希弗人,這地點是tī靠近加利利ê附近。Á若根據列王記提供ê chit-ê資料來看,約拿ê背景應該是tī主前第八世紀,mā就是耶羅波安二世ê時代(主前786到746年)。

第2節,上帝beh約拿去對亞述首都尼尼微chit-ê大城(參考三:3)去傳講信息,而信息ê內容只有一點:就是beh「公開責備」hit-ê城人民,hō͘ in知影上帝已經「注意tio̍h in是jōa-ni̍h-á邪惡」,而hit-ê城ê人邪惡ê情形thang參考那鴻書第三章1節。

因為「公開責備」teh表示不留情面,beh kā hit-ê城ê人民所犯ê過錯一一指責出來。Ē-sái講是hit-ê城是亞述帝國首府,是北國以色列ê強敵,身為上帝ê先知到亞述去對kah他國家對敵者「公開責備」in ê罪過,豈m̄是beh伊去送死、受難?何況尼尼微城ê人膽敢做「jōa-ni̍h-á邪惡」ê事,可能會kā公開責備in ê先知殺害?而且亞述人民並m̄-bat上帝,去傳講上帝ê信息,in會聽mah?若是對照第四章2到3節ê記載,約拿拒絕ê主要原因,是伊知影上帝ê意思並m̄是真正beh消滅尼尼微城ê人民,而是beh警告in,hō͘ in知影趕緊悔改向善。Á約拿ê態度則無想beh hō͘尼尼微城ê人有chit種機會,伊希望上帝早日消滅in。

第3節,先知約拿決定拒絕接受上帝呼召,伊beh往「顛倒ê方向行」;上帝beh伊去尼尼微城,伊則避行「伊施」(今á日之西班牙西海岸ê直布羅陀)。作者用「伊想,逃到hia就ē-tàng遠離上主了」chit句話,形容即使是先知mā有對上帝ê認知錯誤ê所在。想看看:人ē-tàng逃離上帝ê手mah(參考詩篇一三九:7—8)?

第4節,ē-sái講是上帝對先知約拿逃避祂ê命令ê回應,上帝「hō͘海上颳起大風」,掀起「巨浪打擊」約拿所搭乘ê hit條船,hō͘「船差不多被擊破」,teh要沉無海裡。

Chia「颳起」一字,kah第5節、第12節ê「hiat進」等字ê字根是仝款ê。換句話講,上帝beh掀起大風來颳起大海浪,ná親像人the̍h起物件hiat進海裡仝款ê輕易、簡單,只是舉手之勞而已。

第5節,「船員lóng非常驚惶」,因為in面對ê是死亡。就án-ne「ta̍k個向家己ê神明哀呼求助」,這tī每一個宗教信仰lóng會出現。

M̄-koh當大家lóng tī無閒求告in ê神明ê時,獨獨先知約拿是bih tī船艙「睏重眠tio̍h」。其實伊並m̄是án-ne,卻是當上帝開始掀起大風湧ê時,伊就已經清楚知影上帝chhōe-tio̍h伊了,因為án-ne,伊ê態度是beh hō͘ hiah-ê船員去無閒,看in ài怎樣對抗上帝。因為伊清楚知影he是無用ê,所以伊並無參與kā船頂ê物件phah無去,á是協助船員穩定船ê重心。

第6節,因為先知約拿都無動靜,因為án-ne,船長bē了解地搖醒了伊,ài伊也tio̍h起來向伊所敬拜ê神求救。約拿之所以無跟tòe船員ê舉動走chhōe上帝ê拯救,因為伊就是beh逃避上帝ê拯救chiah會tùi約帕搭船逃離。Mā為tio̍h beh躲避上帝,伊上船了後故意藏到船艙下腳,伊躲避lóng來不及à,當然無可能beh出面來祈求上帝ê拯救,伊甚至最後iáu要求chiah-ê水手kā伊丟入海中,想用chit種方式ê「死」,á是躲到「深淵」ê所在ê方式,躲避上帝beh伊去尼尼微城傳信息ê旨意。

第7到8節,就án-ne所有ê船員就決定用「抽籤」ê方式,beh「看māi是什麼人ê罪惡」引起chit pái ê「災難」。「抽籤」,這mā是早期宗教信仰共通ê宗教行為,聖經中mā一再出現用「抽籤」來認bat上帝ê旨意,親像約書亞記第七章有關亞干犯罪ê事件,就是透過「抽籤」發見ê。耶穌ê門徒猶大死後,彼得in mā是用「抽籤」ê方式抽中馬提亞接替猶大ê門徒身分(參考使徒行傳一:26)。結果chiah-ê船員是抽中了約拿。因為án-ne,chiah-ê船員就要求先知約拿講出伊ê真實身分,好切實知影發生chit pái災難ê原因。

第9到10節,chit兩節ē-sái講是先知約拿ê信仰告白,伊講伊是「敬畏上主」,而chit位上主是「天頂ê上帝」,chit句話tī以色列人民被掠到巴比倫去做奴隸了後,不時出現tī以色列人民ê文學作品中(參考以斯拉記一:2),mā因為chit-ê緣故,有聖經學者認為約拿書應該是tī khah晚期,mā就是以色列人民tùi巴比倫受掠之地tńg來國內後ê作品,這是其中之一個因素。
Koh講,先知約拿tī chia紹介hō͘ chiah-ê船員認bat伊所信靠ê上帝,乃是一位「天頂ê上帝、是海洋kah陸地ê創造主」,然後koh講伊to̍h是teh「逃避chit位上主」,chiah-ê話hō͘ chiah-ê船員聽lóng驚kah gāng去無停,主要原因是chiah-ê船員從來無聽講過有chit種上帝,連天kah地lóng由祂掌管,並且á是創造ê主,這實在是大大超過in所ē-tàng想像ê範圍。Á人koh怎樣ē-tàng對抗chiah-ni̍h大有能力ê上帝?tī in看起來這是絕對不可能ê。

第11節,chiah-ê船員聽先知約拿ê告白後,隨時有反應,知影只有拿約the̍h來「處置」,chiah ē-tàng平息chit位受氣卻是管理天地大海ê上帝。

第12節,in kā先知約拿「扛起來,hiat進海裡,風湧就會平靜」,伊強調這是因為伊ê「罪過」chiah會起chit pái ê大風湧。

第13到14節,m̄-koh船員顯然m̄信,因為in從來無聽見過有án-ne偉大ê神,因為án-ne,in想beh抵抗,就「拚命搖槳,ài kā船划到海岸去」,m̄-koh無想tio̍h「風暴jú來jú猛,in無法度前進」,chit時chūn,in chiah知影先知約拿所告白ê chit位神真正是天地ê主宰。因為án-ne,in趕緊改變態度。Chiah-ê船員ê祈禱中有兩件非常重要ê內容:一是懇求上帝m̄-thang因為約拿ê事,hō͘ in ê性命受tio̍h牽連。二是明白tio̍h遵照上帝ê旨意做tāi-chì。

值得注意ê是chiah-ê原本m̄-bat上帝ê水手,經歷過chit pái海上ê相ián了後,認bat了先知約拿所紹介ê chit位創造天地海洋kah一切萬物ê上帝,並且告白了in ê信心,講beh遵照上帝ê旨意做tāi-chì。其實作者mā是用chit種方式teh說明一件事:上帝ài先知約拿看tio̍h chiah-ê水手tùi走chhōe in本來ê神明拯救,到因為先知約拿簡單ê紹介,加上親身ê經歷了後就認bat了chit位偉大ê創造主,希望先知約拿會因為án-ne koh khah應該清楚上帝為甚麼beh差遣伊去尼尼微城傳上帝受氣ê信息ê原因。

第15到16節,chiah-ê水手知影chit位創造天地萬物性命ê上帝確實是真正,mā是bē-tàng侮慢ê上帝,因為án-ne,當in告白講beh遵從上帝ê旨意做tāi-chì了後,就隨時聽先知約拿ê建議,「就kā約拿扛起來,hiat進海裡」。果然,約拿一被hiat進海裡,「風湧馬上平靜落來」。Á chiah-ê水手mā因為chiah-ê所發生tī in身上ê事,tī in心中開始有「大大敬畏上主」ê心,並且mā「下願beh事奉」上帝。

第17節,約拿書ê作者用第3節約拿行向另外一個方向、第5節約拿上船倒tī船艙中睏重眠,以及第12 kah第15節ài chiah-ê水手kā伊hiat進海裡等,chit三種方式來說明伊想beh盡所有ê辦法,就是beh逃離上帝,躲避上帝ê呼召。M̄-koh當伊行向另外一個方向搭船ê時,上帝hō͘這艘船tú-tio̍h大風湧,hō͘伊即使bih tī船艙下腳睏重眠mā bē-tàng安寧,而且一定tio̍h露出面貌被水手看出來伊是一個逃避上帝呼召ê「落走」先知。然後當伊用「死」á是「沉入深淵」ê方式來抗拒上帝beh伊去完成ê使命ê時,上帝koh用「一條大魚」來阻擋伊,kā伊ân-ân地接tòa,kā先知「約拿吞落去」,hō͘伊tī「魚ê腹肚裡三工三瞑」。

重新查詢 專卷研經 約拿書系列
錯誤回報,請聯繫comm[@]fhl.net