約伯記 30章24節 到 30章31節   背景資料  上一筆  下一筆
Tī chit段詩歌中,約伯向上帝提出連串ê問題,chiah-ê問題是續接第21節以後ê情節而來。伊直指是上帝出手迫害伊,chiah-ê慘痛ê苦難chiah會降臨在伊身上。

Chit段詩歌mā thang對照第廿九章18節以後ê詩歌所提起ê,約伯原本期待一個光明ê日子,結果臨到ê卻是烏暗ê境遇;伊原本期待得tio̍h ná親像春雨降臨般ê歡悅,結果卻是不斷哀嚎ê慘叫聲。

第24到25節,約伯自認目前ê狀況已經到à性命ê末期,無法度koh再忍受任何災難臨身,因為án-ne,伊只有ē-tàng祈求上帝ê憐憫。約伯表示過去伊就bat出手救助窮困ê人,mā kah遭遇災難ê人同齊啼哭,伊祈求上帝mā會án-ne對待伊。

第26到28節,伊原本認為家己ê善行會得tio̍h上帝賞賜之「福」,結果卻是「災禍」連連。期待kah所得tio̍h ê結果顛倒,常常是造成一個人ê性命siōng大ê痛苦。約伯hō͘上帝知影災難一直無停tī伊身上出現,hō͘伊無法度得tio̍h性命ê氣力,因為án-ne性命是漸漸teh lian去中。形容家己tī hiah-ni̍h8惡質ê景況下,已經看bē-tio̍h性命ê ǹg望(陽光),最後只有ē-tàng「tī會眾前khiā立」,向大眾「呼求援助」,m̄-koh mā無人會回應伊ê呼求。

第29到30節,因為無人作伴,結果「野狗」就成做伊相依為伴ê好友,伊mā學習野狗發出悲慘ê叫聲。Mā像「鴕鳥」Tī曠野中四界為chhōe食物,因為chhōe bē-tio̍h而哀鳴。

第31節,是chit章ê總結:前一句是屬tī過去ê,帶有「歡悅」ê時光;現今則因苦難發出「哀號啼哭」ê聲音。

重新查詢 專卷研經 約伯記系列
錯誤回報,請聯繫comm[@]fhl.net