耶利米書 51章54節 到 51章64節   背景資料  上一筆  下一筆
第54到58節ê首詩歌主要是teh描述上帝beh透過波斯帝國kah其他國家執行毀滅巴比倫帝國ê情景。

Chit段經文mā耶利米書ê結束,而第五十二章有關猶大kah耶路撒冷ê毀滅,是後來增補上去ê,因為仝款第五十二章ê主要內容tī第三十九章1到10節已經有記載。

第54到56節,「有大毀滅ê聲音傳來」,這teh表示巴比倫人已面臨被「摧毀」亡國ê時刻。城內過去喧嘩鬧熱ê聲音無koh出現,因為「敵軍像澎湃ê怒濤衝入來」,大家lóng驚惶到講bē出話來。過去ê「勇士受掠了」、「弓箭折斷了」,chiah-ê lóng teh表明巴比倫ê軍隊已經投降了。

第57到58節,「首領、謀士、省長、官員、勇士lóng lim醉了酒」,chit句話充分顯示巴比倫帝國倒垮,而且是徹底ê滅亡,因為上帝beh hō͘ chiah-ê人lóng「睏重眠,永遠不醒」。而且它ê「城牆會被夷做平地,高大ê門樓被燒毀」。

Chit兩節一再重複chit句「耶和華上帝án-ne宣佈了」,表示上帝已經確定beh消滅chit-ê國家,絕對bē改變chit種決定。先知文獻中一再出現「我—上主、萬軍ê統帥án-ne宣佈了」chit種句話,lóng是teh表示上帝真正beh án-ne實現祂所講ê話。

第59節,「西底家作猶大王ê第四年」,這是teh指主前593年,mā就是tī南國猶大kah耶路撒冷城毀滅chìn前七年。因為南國猶大kah耶路撒冷是tī主前586年被巴比倫消滅、拆毀。

Chia講西萊雅跟tòe西底家王到巴比倫去,這有可能就是主前594年,mā就是in去巴比倫ê前一年,埃及有新ê法老王森美忒庫二世對巴比倫帝國ê想beh tī巴勒斯坦取代亞述ê地位ê舉動,非常無掠做當然,hō͘西底家王認為有機thang乘,想beh kah頂面所講chiah-ê小國聯盟起來,koh再結合埃及ê氣力,共同來抵抗巴比倫帝國。可能因為án-ne被巴比倫王尼布甲尼撒王知影,tī主前593年就召西底家王去巴比倫,這是有含「示警」ê用意。Á西萊雅是先知耶利米秘書巴錄ê兄弟(參考耶利米書三十二:12),陪tio̍h國王西底家同齊去。

第60到62節,先知耶利米kā有關預言巴比倫帝國beh毀滅ê信息,「lóng寫tī冊卷上」,內容大概就是teh指第五十章2到51節。主要目的是beh西萊雅「大聲宣讀」hō͘ tī巴比倫做奴隸ê以色列同胞聽。用意當然真清楚,就是ài in m̄-thang灰心,因為上帝猶原是in ê上帝。當伊宣讀了先知耶利米ê信了後,用祈禱來結束,這祈禱ê內容真清楚表明上帝確定會摧毀巴比倫。

第63到64節,西萊雅確實遵照先知耶利米所講ê,讀完了後就「Kā這冊卷kah石頭捆做伙,tàn入去幼發拉底河」,這是象徵「巴比倫會kah chit-ê冊卷仝款沉落去,無koh浮起來」。表示永遠消失,無koh被看見。

「耶利米ê話到chia為止」,表示此卷耶利米書就此結束。先知耶利米ê chit張phoe就是為tio̍h chiah-ê hông掠去巴比倫做奴隸ê以色列同胞寫ê。

重新查詢 專卷研經 耶利米書系列
錯誤回報,請聯繫comm[@]fhl.net