耶利米書 51章15節 到 51章23節   背景資料  上一筆  下一筆
這是兩首詩歌,第一首是第15到19節teh歌頌上帝創造ê大能,內容差不多kah第十章12到16節完全仝款。第二首詩歌是tùi第20到23節,chit首詩歌kah前一首詩歌teh述說上帝創造ê偉大,tú好相呼應,主要teh強調巴比倫其實就是上帝手中ê「工具」,是上帝bat使用過ê工具,工具怎樣ē-tàng kah使用它ê主人—上帝—相比並?Chit首詩歌mā teh說明一個真重要ê觀念:巴比倫bat聽從上帝ê旨意,因為án-ne,上帝真重用它。M̄-koh chit-má情況改變了,因為巴比倫想beh取代上帝,所以上帝kā它當做「折斷」ê鐵鎚一般棄sak,無koh使用。

第15節,chit節講上帝以「家己ê大能創造大地」,這是創世記第一章9到10節。Chia所講ê「智慧」kah「聰明」,lóng是teh表示上帝ê全能,m̄是人ê能力所ē-tàng知影、明白。

第16節,thang參考創世記第一章6到8節。

Chit節說明雨水kah地下ê水、「sìh-nà」kah「風」等,chiah-ê lóng是出tī上帝奇妙ê創造,遠超出人類所ē-tàng想像ê範圍。

第17到18節,chit兩節講出鑄造kah雕刻偶像ê人,是jōa-ni̍h-á「愚戇」kah「無知」。因為這是用人ê手所製造ê神明,koh ē-tàng對創造宇宙萬物ê上帝講甚麼話?連人家己lóng是上帝ê手所造ê,án-ne,用人ê手所雕製出來ê偶像神明就koh khah劣等了。只要上帝一出口,chiah-ê lóng會被「消滅」殆盡。

第19節,「雅各ê上帝」,意思是teh指以色列人民ê上帝,祂是「創造萬物」ê全能者,是「選召以色列」人民作為祂子民ê上帝。比任何一切神明lóng偉大,因為án-ne,祂ê名beh稱做「萬軍ê統帥」,是所向無敵ê君王。

第20到23節,chit節用「大鐵鎚」來形容「武器」,mā表示軍事武力。換句話,巴比倫帝國過去雄壯、精銳ê軍事力量,是因為上帝beh用它來執行懲罰列國,包括「挫敗」列國ê「戰馬」、「騎士」、「戰車」、「戰士」,以及悖逆上帝旨意ê人民,包括「男女老幼」、「少男少女」,只要是上帝決定beh滅亡ê對象,lóng無一佳哉免得,甚至連田園lóng會受tio̍h連累。

重新查詢 專卷研經 耶利米書系列
錯誤回報,請聯繫comm[@]fhl.net