耶利米書 46章1節 到 46章12節   背景資料  上一筆  下一筆
Tùi chit章開始到第五十一章止,lóng是有關上帝論到列國ê信息,ná親像以賽亞書第十三到廿三章;以西結書第廿五到三十二章;阿摩司書第一到二章;西番雅書第二章四到十五節等等經文,mā出現仝款ê先知信息,內容mā是預言有關以色列附近國家ê未來。Tī耶利米書是tùi第四十六章談起埃及ê處境,然後提起有關非利士(第四十七章)、摩押(第四十八章)、亞捫、以東、敘利亞、基達族kah夏瑣城、以攔等國,kah民族teh beh受tio̍h上帝懲罰ê事(第四十九章),最後是用兩章ê篇幅論到有關巴比倫會毀滅,上帝beh審判它,是因為它「太狂傲了」(參考五十:31—32,以賽亞書十四:12—15)。第五十二章則kā第三十九章有關耶路撒冷城kah聖殿被毀滅扼要ê記事,koh khah詳細記載,而chiah-ê記事在列王紀下第廿五章mā有仝款ê記載。

Tùi第四十六章3節到第四十八章20節,chit段經文lóng是用詩體寫做ê。內容是關係埃及帝國kah非利士人、摩押族人ê滅亡。Teh論到埃及ê問題ê時,第一首詩歌就是tùi第3節直到第12節。Kui首詩歌ê中心思想是:只要是上帝出手懲罰,即使是siōng偉大ê國家mā會滅亡,就算是有siōng堅強ê軍事武力mā是枉然。

第1節,「上主向我提起有關列國ê事」,chit句話已經說明以後六章ê內容之引言,lóng是kah以色列民族附近國家有關係ê事。

第2節,chit節說明以後詩歌是「關係埃及」ê事。

Chia提起「埃及王尼哥」,伊就是主前第610到595年統治埃及。根據歷史ê記載,伊tī主前605年,mā就是巴比倫帝國皇帝尼布甲尼撒上任ê第一年,尼哥國王想beh恢復古埃及ê榮耀,當伊知影亞述已經被巴比倫phah倒,清楚知影真正危險就是來自巴比倫帝國,而且hit年又koh是新皇帝尼布甲尼撒上任,就án-ne率領大軍去攻打巴比倫帝國ê軍隊,主要目的就是beh取代亞述帝國tī巴勒斯坦ê統治權。M̄-koh無想tio̍h卻tī迦基米施一役,被巴比倫帝國phah敗,chit-ê敗mā結束loh久長以來埃及帝國想beh tī巴勒斯坦稱霸kah統治kui個中東地區ê野心,mā同時改變了kui個巴勒斯坦政治版圖,巴比倫興起取代了亞述,而且後來成做統轄以色列民族十二支派ê強國。

Chia提起「迦基米施」,中文《和合本》用「伯拉河」,該所在設tī幼發拉底河ê北pêng,軍事地位重要,m̄-nā巴比倫帝國想佔領,埃及mā想佔有該所在,連猶大mā擔心chit所在被巴比倫帝國佔有,因為án-ne,正teh進行宗教改革ê猶大王約西亞就bat率兵去阻止埃及出兵,結果反tńg被尼哥王所刣,猶大m̄-nā兵敗,而且iáu賠上了大筆金錢,總數 是銀á三千四百公斤,黃金三十四公斤(參考列王記下廿三:28—33)。

Tùi第3節開始,直到第八章20節lóng是用詩ê形式描寫。

Chit兩節是描述埃及指揮官發出命令beh出兵攻打巴比倫,tùi第4節thang看出埃及ê軍事裝備非常齊全,是非常堅強而且現代化ê武力,tùi chiah-ê軍事裝備來看,mā thang看出當時埃及是一個非常富裕ê國家。

第5到6節,chit兩節teh論述chit pái埃及kah巴比倫兩國tī迦基米施ê戰役。雖然埃及有堅強ê陣勢,siōng先進ê軍事裝備,m̄-koh tī上帝眼中看見ê埃及軍隊,是「驚惶退卻」、「戰士潰敗,拚命奔逃,m̄敢回頭」,而且是連siōng會走ê戰士「mā走bē掉,in lóng覆滅瓦解」,這真清楚表示埃及軍隊會遇tio̍h慘敗。

第7 kah 9節,「像尼羅河上漲,像江河氾濫」,表示埃及軍事力量聲勢龐(pâng)大,就kah埃及尼羅河每年氾濫成災ê時ê樣式,ná親像水庫teh洩水一般ê雄壯。先知耶利米用chit種詩句來說明埃及尼哥王出兵攻打巴比倫帝國軍隊,kah-ná有想以chit pái戰役就一舉消滅對方ê意思。因為án-ne用「尼羅河上漲」來形容埃及ê軍隊,堅強到kah-ná是任何人為力量lóng無法度阻擋ê款。

「古實」,這是teh指今á日ê衣索匹亞。

「弗」,真可能是今á日ê利比亞,á是索馬利亞。Lóng是當時埃及統治之下ê地區。

「呂底亞人」,mā是非洲ê一個族群。Tī創世記第十章13節,用「路低人」ê名稱,屬埃及人ê kiáⁿ孫。真gâu使用弓箭(參考以賽亞書六十六:19),特別是真gâu騎tī馬上回頭射擊敵人。Tī埃及ê國王尼哥算盤裡,這是一支堅強ê隊伍,對抗巴比倫軍隊必定綽綽有chhun。

第10到12節,chit段詩歌提起上帝beh採取ê行動。Chia講上帝beh「報復」、「懲罰」埃及,而懲罰ê方式就是借用巴比倫軍隊ê劍當做器具,用腳頭u想mā知,上帝既然khiā tī巴比倫chit pêng,就thang看tio̍h埃及軍隊受傷ê嚴重。

所謂去「基列」去「chhōe膏藥」,koh khah嚴重ê是「所有ê藥品lóng無效」,這表示埃及軍隊所受ê傷非常慘重,嚴重到無藥thang醫。「基列」,是一個以出產藥品出名ê城市。特別是它所出產ê乳香,tī當時m̄-nā用來當做特等香料,koh khah重要ê,mā是非常真貴ê藥品。Á chit句「大地tńg來響tio̍h你ê哀號」,tú好表示埃及軍隊慘敗ê情況是「戰士kah戰士相撞」,表示傷重ê士兵無法度khiā穩行走,彼此跌撞做伙。

重新查詢 專卷研經 耶利米書系列
錯誤回報,請聯繫comm[@]fhl.net