耶利米書 4章19節 到 4章31節   背景資料  上一筆  下一筆
Chit段詩歌除了第22節是上帝ê話語外,其餘lóng是先知耶利米teh述說心內ê苦悶。Tī chit段詩歌中,先知耶利米一再以「我看見」chit-ê詞(包括有「我俯視」、「我眺望」、「我看bē-tio̍h」等詞),來表達伊所看見teh beh來臨ê現象,來形容以色列人民會tú-tio̍h ê慘狀。Tùi chit段詩歌ē-tàng看出先知用上帝創造宇宙萬物前ê混沌現象作為題材,用來形容以色列人民kah國家teh beh陷入ná親像上帝創造chìn前混亂ê現象,除非有上帝ê靈來運行,若無,任何人都無力量ē-tàng挽狂瀾。

Koh講,chit段詩歌mā有另外一個特色,就是用相對詞字顯示出清楚ê對照,有時是表示涵蓋kui個空間,親像「大山」kah「小山」、「良田」kah「荒野」、「大地」kah「天空」等。

第19到22節,chit段詩歌講出先知耶利米心中ê痛,就是敵軍已經來到門前了,猶大人民iáu-koh m̄知悔改,「愚戇」到無想beh走chhōe上帝ê幫助。M̄-koh事實是「災難」已經「續接teh來,全國荒廢」,真顯然chiah-ê猶大眾領袖lóng m̄知道實況。莫怪先知耶利米會講伊ê心「焦灼,坐立不安」,因為伊已經「聽tio̍h軍號ê響聲,戰爭ê喊hoah」。

注意第20節所講ê「帳棚」,意思是teh指家庭á是國家(參考以賽亞書五十四:2),koh thang做庇護ê所在。因為以色列人民是游牧民族,tī曠野時代就是用帳棚為家。Chia是teh指以色列人民ê家庭因為戰爭phah敗仗,tùi án-ne瓦解。Á「我ê帳棚倒落來」,是teh指上帝耶路撒冷聖殿被摧毀。Á這是發生tī主前586年巴比倫軍隊攻入了耶路撒冷城,並且燒毀聖殿(參考列王記下廿五:9)。若是「帳棚」指ê是聖殿,則「帳帷」是掛tī約櫃kah祭壇之間。因為án-ne,講「帳帷破裂」,就是象徵in kah上帝ê約毀壞了。

第23到27節,Tī chit段詩歌中,先知耶利米描述出伊看見hit幅teh beh發生ê慘狀,包括「看bē-tio̍h人影;連鳥á mā lóng飛行。良田變成荒野;城市ná親像土堆」,chiah-ê lóng tī說明戰爭teh beh帶來ê結果,是「大地,一片荒涼」,而且無任何亮光。

「大山」、「小山」,Tī聖經中一再用山來表示穩固、thang óa靠ê氣力。M̄-koh tī chia則出現「震動」、「搖擺」,表示會失去óa靠ê氣力。

Chia用「良田」kah「荒野」對照,「城市」kah「土堆」相對,chiah-ê lóng teh表示上帝ê「大受氣」已經到à極點,無法度挽tńg來、平息。

第27節,有kóa學者對chit節有無仝ê看法,因為tī第23到26節lóng講上帝beh徹底摧毀以色列,然後接落去ê第28到29節mā是仝款teh描述上帝嚴厲ê懲罰,講一切lóng kā消失殆盡。M̄-koh tī第27節ê上半句kah下半句卻呈現出相對ê詞句;tī上半句講beh摧毀一切,下半句卻是講「不徹底kā它毀滅」。因為án-ne,有kóa翻譯本kā它修訂為用「毀滅淨盡」。M̄-koh mā有聖經學者認為這tú好是上帝憐憫、慈悲ê特性,祂tī非常忿怒之下,iáu替以色列人民有保存「殘餘子民」ê生存空間,hō͘以色列人民tī完全絕望中間,iáu有一絲絲ê希望,而期待in會tī完全無助ê情況下,知影悔改歸向上帝。

第28節,「大地」kah「天空」是對照詞。當土地會「哀鳴」ê時,表示被蹂躪得非常厲害。Á當kui個空中「轉烏」ê時,表示lóng無亮光,這kah第23節所提起ê仝款。這說明地上所有ê生物lóng kā遭遇嚴重ê性命威脅。

Chia講「上主講出ê話絕bē改變」,chit句話mā是kui本聖經ê中心信息之一(參考以賽亞書四十:8,約翰福音十:35,希伯來書一:12)。

第29節,chia講只要「一聽見騎兵kah箭手ê喊hoah」,就想出所有ê辦法beh chhōe-tio̍h thang避難ê所在所,包括有bih起來tī「森林」裡ê,mā有bih起來tī「巖穴」中,chiah-ê地方lóng是隱密ê所在。M̄-koh因為災難是tùi上帝來ê懲罰,所以,人絕對無法度chhōe-tio̍h無hông發見ê藏身所在(參考詩篇一三九:7—8)。

第30節,chit節充分顯示出過去所有一切被看做高貴、尊容ê樣式,taⁿ全部lóng成做無用ê廢物。「真貴ê衫褲」、「珠寶首飾」、「塗眼畫眉」等,chit種樣式tī患難來臨ê時,妓女常用chit種打扮來討好敵方ê軍人,以求活命。M̄-koh結果反tńg因為án-ne hō͘家己真正變成妓女,敵人看見就kā它蹂躪。

第31節,「像產婦陣痛ê叫喊」、「像cha-bó͘人生產頭胎ê尖叫」,這兩句話lóng是仝款ê意思。聖經作者不時用產婦臨盆來形容極大ê痛苦,hit種喊叫ê聲音,mā是teh表明走chhōe性命ê拯救,m̄-koh都無路用,因為in即使「伸開雙手」希望有人救in,mā只有ē-tàng講「慘了,慘了」,因為無人會來幫助in脫離敵人ê侵犯。

重新查詢 專卷研經 耶利米書系列
錯誤回報,請聯繫comm[@]fhl.net