耶利米書 3章1節 到 3章18節   背景資料  上一筆  下一筆
Tùi chit章開始,是一系列用猶大人民對上帝不忠做主題而編寫ê詩歌。Chit章iáu-koh繼續tio̍h第二章2到3節所提起ê一個重要主題:以色列民族作為上帝ê「bó͘」,卻對kah伊有婚約ê丈夫—上帝—無忠實。另外一個主題是上帝kah以色列人民之間ê關係,就ná親像父母kah kiáⁿ一般(參考三:4、19)。Chit種編寫法,真親像何西阿書作者,Tī該冊tī第一到三章用夫妻來形容上帝kah以色列人民ê關係,然後tī第十一章1到9節轉變成父母kah子女仝款。Chit種筆法mā像以西結書第十六章,敘述以色列人民原本是棄嬰,被上帝扶養長大,了後就kah上帝結為夫婦。無論是用父母kah子女,á是丈夫kah bó͘ ê關係做譬喻,lóng環繞tī一個重要主題上:上帝對以色列民族有真誠懇ê疼。

Chit段經文koh重tńg來到一個重要主題,mā是延續第二章26到37節經文ê問題,上帝kah以色列民族之間原本有夫妻親密關係,m̄-koh in卻背叛上帝去拜偶像神明,而in明明知影這是m̄-tio̍h ê事,m̄-nā做iáu否認,這是上帝siōng oh得容忍ê事。因為án-ne上帝真清楚指出in犯罪ê證據。先知耶利米講上帝以歷史作背景,指出in tī約西亞王ê時代所犯之錯誤。先知耶利米傳出上帝ê呼籲,希望猶大人民ē-tàng清楚知影上帝對in ê疼kah期待。只要in悔改,上帝一定會重新帶領in,hō͘ in ê國家kah民族koh一pái興旺。

第1到3節,chit段經文就真清楚指出猶大人民ná親像一個不安分ê bó͘,不時「kah有khah好情郎私奔」,指出in一方面teh敬拜上帝,一方面koh去拜偶像神明(參考耶利米書二:20)。先知以西結mā真清楚指出,猶大人民是tī「每一座大山、每一個山峰頂面,tī每一棵綠樹kah橡樹下底」lóng有祭拜過偶像留落來ê記錄(參考以西結書六:13)。Á chit種無清氣ê淫亂(是用夫妻關係來講)行為非常普遍,到處lóng有留落來猶大人民拜偶像ê痕跡,只要「舉目看māi hiah-ê山頭」,就會發見hia充滿tio̍h猶大人民設置拜偶像ê祭壇。In像妓女一般tī路邊招攬嫖客,mā「kah-ná阿拉伯人埋伏曠野」而過往ê商旅便是in ê獵物,in惡行「玷污了」上帝賞賜hō͘ in khiā起ê土地,這已經teh暗示 in kā無法度繼續khiā起tī上帝賞賜hō͘ in chit塊聖潔koh肥ê土地,因為in犯罪ê行為,hō͘土地受tio̍h牽連(參考創世記三:17)。M̄-nā án-ne,即使in khiā落來,上帝mā會hō͘「甘霖不降,春雨不下」。其實,以色列人民會轉向去拜巴力,主要原因就是in認為巴力神明是掌管土地生產kah降甘霖kah春雨ê神,m̄-koh taⁿ上帝無koh降落甘霖kah春雨,就是beh hō͘以色列人民看māi巴力神明祭拜ē-tàng hō͘ in甚麼。M̄-koh就算先知耶利米提出chit種警告,猶大人民iáu是無任何悔改認罪ê意念,這mā表示in並無感覺去拜偶像神明有甚麼錯誤。

第4到5節,chit兩節講猶大人民tńg來chhōe上帝,in一方面講上帝是in ê「老父」,tùi in尚且「幼年」ê時就疼teh疼in。而且in mā深知上帝ê特性,就是bē「久長忿怒」(參考詩篇一○三:9)。M̄-koh in並無因為án-ne而koh khah珍惜,反tńg是koh khah放蕩,去做上帝看做邪惡ê事。

第6到10節,「約西亞作猶大王」,伊是tī主前640到609年作猶大王,mā是猶大王國最後一位熱心改革,帶領南國猶大人民重tńg來敬拜上帝ê君王。Chia講「ná不貞潔ê cha-bó͘人以色列」,這是teh指北國以色列人民對上帝不忠ê意思。Á南國猶大人民看見上帝以「棄sak」ê方式嚴厲懲罰北國以色列人民ê時「並無驚」(這是teh指主前721年,上帝hō͘亞述帝國消滅北國以色列),反tńg自甘墮落,mā淪為娼妓,一點á mā「不感覺見笑」,雖然看起來kah-ná有悔改ê款「tńg來」,m̄-koh chit種悔改只是外表,並m̄是「出tī誠意」,因為鑒察人心ê上帝,非常清楚猶大人民心內ê意念。Chit點mā講出當約西亞王認真推動宗教改革運動ê時,南國猶大人民並m̄是真正徹底改變,卻是應付國王ê命令而已。因為án-ne,當約西亞王往生後,人民真緊to̍h koh tńg來到以前樣式了。若是人民lóng確實遵行約西亞王ê改革,就bē因為國王往生,就隨時改變tńg來到以前。

第11節,chit節講出北國以色列人民雖然棄sak上帝,m̄-koh南國猶大koh khah糟。Mā就是講南國猶大人民犯罪ê情況koh khah嚴重(參考以西結書廿三:11)。

第12到13節,chit兩節提起上帝ài先知以西結去向北國以色列人民傳達信息。雖然in ê國家滅亡了,m̄-koh以色列人民若是悔改,iáu是有機會得tio̍h上帝ê救助。因為上帝對in ê「愛無變」,而且上帝是bē永久向祂ê子民「受氣」(參考詩篇一○三:8—9、一四五:8)。悔改認罪ē-sái講是kui本聖經ê中心信息。

第14到18節,這是一段新ê應允,上帝會帶領四散各地ê以色列人民tńg來到故鄉,koh khah重要ê是,當上帝拯救來臨ê時,「以色列kā kah猶大聯合」,這表示tùi羅波安執政開始分裂ê以色列民族,kā重新成做一個國家。M̄-nā án-ne,上帝beh賞賜hō͘ in一個統治者會用「聰明kah智慧來統治」,hō͘原本已經荒廢ê所在重新「繁盛增chē」,而「萬國萬民lóng tio̍h聚集」tī耶路撒冷敬拜上帝。

另外一方面,第14節提起講上帝beh tùi in ê「每一城市選出一人,tùi每一宗族選出兩人,帶tńg來錫安山去」,chit句話就是先知信息中一再出現ê「劫後餘生」á是「殘存子民」ê觀念,mā就是上帝對以色列民族特別ê疼,會為in留落來民族ê命脈。

Koh講,tī一個新時代來臨ê時,「約櫃」,這原本表示上帝同在ê記號,以後be7 koh是敬拜ê中心,有上帝同在遠比chiah-ê象徵ê物件koh khah重要。因為過去in雖然tī聖殿ê至聖所khǹg約櫃,卻仝款去拜偶像神明,甚至後來tī聖殿裡iáu會khǹg tio̍h偶像神明,根本是褻瀆了上帝ê神聖,這mā是上帝受氣ê原因。

重新查詢 專卷研經 耶利米書系列
錯誤回報,請聯繫comm[@]fhl.net