耶利米書 25章1節 到 25章14節   背景資料  上一筆  下一筆
Chit章主要年代背景是主前605年,chia開始講時間是tī約雅敬統治猶大國ê第四年。列王記下第廿四章1到2節有chit種記載講:「約雅敬在位年間,巴比倫王尼布甲尼撒侵犯猶大。約雅敬被迫臣服伊三年,然後背叛伊。上主hō͘巴比倫、敘利亞、摩押,kah亞捫ê軍隊來攻打約雅敬,消滅猶大,tú親像上主借伊ê奴僕眾先知所講ê。」

Chit章mā ē-sái講是耶利米書第一部分(第一到廿五章)ê總結論。

Tùi第1節就thang清楚看tio̍h chit章信息ê背景,就是頭前所提起ê,是tī約雅敬王執政ê第四年,mā就是主前第605年ê時chūn,先知耶利米傳出上帝ê信息,主要就是tī勸勉猶大人民tio̍h悔改歸向上帝,m̄-thang koh再繼續拜偶像神明了。M̄-koh顯然ê,猶大人民是聽bē落去上帝透過先知傳來ê chit種聲音,結果引起上帝ê忿怒。因為án-ne,上帝決定徵召巴比倫王尼布甲尼撒帶領軍隊去攻打猶大。Á這就應驗ā第7節所提起ê講in「為家己招來懲罰」。

第1節,chit節講出明確ê年代,就是「約西亞ê kiáⁿ約雅敬做王統治猶大國ê第四年」,chit年mā是「尼布甲尼撒作巴比倫王ê第一年」,這tī主前605年。先知耶利米「tùi上主領受伊beh hō͘猶大人民ê信息」,這表示伊所講ê信息,kah當時假先知假冒上帝ê名傳達ê信息無相仝ê。

第2到3節:「約西亞做王統治猶大國ê第十三年」,乃是主前627年。Á chit-má是主前第605年,án-ne前後共計有「二十三年」時間,「上主不斷來」向先知耶利米講話,而且ài伊kā所得tio̍h ê信息「不斷來」向猶大人民「轉告」,m̄-koh猶大人民心剛硬,因為「in lóng是m̄聽」。

第4到7節,chit段經文清楚描述猶大人民m̄聽從上帝ài in遵守ê事,包括有:勸猶大人民tio̍h「放棄邪惡ê生活,改變罪惡ê行為」;「m̄-thang敬拜服事別ê神,m̄-thang拜lín所造ê偶像」等,ē-sái講是無論上帝怎樣講,差派真chē「奴僕—先知」向猶大人民苦勸,in「m̄聽,mā m̄-chhap」,m̄-nā án-ne,in iáu「用家己所造ê偶像激怒」上帝,為家己招來上帝忿怒ê懲罰。

第8到11節,就是因為猶大人民屢勸「m̄聽從」,因為án-ne,上帝採取嚴厲ê懲罰方式,就是徵召「北方ê諸民族」,kah「巴比倫王尼布甲尼撒」當祂ê「奴僕」,「攻擊」猶大「這土地kah所有ê居民」,beh hō͘猶大成做「永遠荒廢,成做hō͘人驚駭唾棄ê所在」。因為巴比倫帝國軍隊攻擊ê手段是殘酷ê,因為án-ne,受tio̍h攻擊了後ê猶大人民,kā「無koh有歡笑,mā無koh有婚宴喜慶ê聲音」,「燈盞無油」表示烏暗罩tiâu tī每一個家庭á是公共場所。這mā說明續落來lóng kā是一片死亡、驚惶kah不安。而且「石磨上無穀物」,這表示完全無收成,背後表達ê就是「土地會荒廢」,原因是男丁lóng去相戰,而且是死tī戰場,田園無法度種作生產五穀。Kui個國家「成做hō͘人恐怖ê所在」,而且猶大附近ê國家mā lóng會受tio̍h牽連。Án-ne,「列國要臣服巴比倫七十年」,是teh指tùi巴比倫統治猶大國開始,mā就是tùi約雅敬被俘虜ê主前605年起(參考列王記下廿四:1,耶利米書四十六:2),到主前538年巴比倫被波斯帝國消滅ê chit段期間。主前538年,波斯皇帝塞魯士chiah允准受掠ê猶太人tńg去故鄉(參考歷代志下三十六:20—23)。

第12到13節,「七十年後」,上帝又ài「因巴比倫kah伊ê王所犯ê罪懲罰in」,chit句話thang參考耶利米書第五十章17到18節,chit兩節lóng提起一個基本觀念:上帝揀選亞述來懲罰北國以色列,然後用巴比倫帝國懲罰南國猶大,並m̄是講亞述á是巴比倫chiah-ê強國就ē-tàng隨心所欲地beh所beh為,in iáu需聽從上帝ê旨意。Koh khah重要ê,無論是亞述á是巴比倫,lóng是上帝揀選來懲罰家己子民ê「奴僕」(參考廿五:9),而in卻自認為比揀選in ê上帝iáu koh khah偉大,想beh kah上帝比高低(參考以賽亞書十四:12—14),因為án-ne,上帝決定對巴比倫王kah人民採取嚴厲ê懲罰。Á懲罰巴比倫ê方式就是用in過去對付列國ê方法。

第14節,chia所講ê「列強」,其實就是波斯帝國,而波斯帝國是由數個族群結盟起來ê帝國。巴比倫m̄聽從上帝ê旨意,專做pháiⁿ事,結果就是帶來上帝嚴厲ê「報應」。這報應ê方式,就是照in所做殘忍ê方法,臨到家己ê身上。


重新查詢 專卷研經 耶利米書系列
錯誤回報,請聯繫comm[@]fhl.net