耶利米書 22章13節 到 22章19節   背景資料  上一筆  下一筆
Chit段經文是提起有關約雅敬王ê問題。伊是約哈斯王ê兄哥(參考歷代志上三:15),原本ê名叫以利亞敬,被埃及王尼哥設立為王,並kā伊改名成做約雅敬(參考列王記下廿三:34)。伊執政ê年代是tùi主前608年到597年,算是在位執政比較khah長一點ê猶大王。先知耶利米對伊ê評語mā真嚴厲,因為伊tī chit長到11年ê時間,若是有好好á改革,應該是ē-tàng有所做為chiah-tio̍h,m̄-koh,伊ê舉止卻kah伊ê老父約西亞完全顛倒。Mā因為án-ne,先知耶利米ê chit段話thang講是非常嚴厲ê譴責。

第13到14節,chit兩節以第三人稱來講約雅敬王ê問題。
先知耶利米直接就講出chit-ê王「有禍了」。因為埃及國王尼哥向猶大索取chē kah「三千四百公斤銀á kah三十四公斤金子」作軍費賠償ê時(參考列王記下廿三:33),伊一定tio̍h向人民徵收koh khah chē ê稅賦chiah有辦法支付,而且是無論貧富lóng大量徵稅(參考列王記下廿三:35)。M̄-koh chit節卻講伊是chē徵了稅金,kā它the̍h去「建造家己ê宮殿」,而koh khah無法度原諒ê事,伊iáu「強迫人民白白工作,不付工資」,用chit種方式對待人民,等於是kā人民看作是奴隸仝款,對原本已經貧困ê人民,koh khah是雪上加霜,mā是違背摩西律法ê行為(參考利未記十九:13,申命記廿四:14—15)。Koh講,伊m̄-nā是建造宮殿,而且是奢華地使用tùi黎巴嫩進口ê「香柏木」chit種貴重ê建材,建造「宏偉ê宮殿」。

第15到17節,chit三節直接用約雅敬王ê老父,就是約西亞王kah伊做對比。Chia講約西亞王「頭尾秉公行義」,相對tī約雅敬王則不付工資,kā人民當做奴隸看待。約西亞王「為窮苦無助ê人伸冤」,相對tī約雅敬王是「流了無辜者ê血,以暴力壓制人民」。Koh khah嚴重ê乃是伊iáu刣死先知烏利亞,hit-pái先知耶利米mā差一點á受難,佳哉有得tio̍h保護chiah佳哉免得受難(參考耶利米書廿六:20—23)。會有án-ne大ê差異,只有一個原因:約西亞王遵照上帝ê旨意行事,約雅敬王不敬拜上帝,並m̄遵守上帝ê律法誡命,去做上帝看做邪惡ê事(參考列王記下廿三:37)。Chit種王,就算建造「比別人高貴ê香柏木宮殿」,mā無法度表示伊比較khah「賢明」。因為好ê君王、領袖,並m̄是tùi khiā起、穿插ê外表來看ê,卻是tùi伊對人民ê疼來衡量。

第18節,第13到14節講約雅敬王ê時,用第三人稱;第15到17節用第二人稱;而chit兩節就直接指名道姓,講chit-ê 可惡ê人就是約雅敬。先知耶利米teh chit兩節講出上帝對約雅敬王ê宣判,伊講當約雅敬往生ê時,bē有人為伊「哀悼」、「哀呼」。換句話講,約雅敬王ê死,反tńg hō͘人民感覺鬆了做一睏。

第19節,這是比較khah有爭議ê一節,因為chia講約雅敬王「會hō͘人拖行,被hiat到耶路撒冷城外,kah-ná埋葬一頭驢á」,這kah事實有點á出入,因為約雅敬王是tī巴比倫ê軍隊攻入耶路撒冷城前就已經往生,看起來伊應該是埋葬tī耶路撒冷ê王宮墓園chiah-tio̍h。M̄-koh mā有人認為是尼布甲尼撒為tio̍h beh懲罰chit位背叛kah伊同盟ê約雅敬王,伊攻入耶路撒冷城後,就kā約雅敬ê屍體tùi墳墓中挖掘出來hiat-ka̍k城外。

重新查詢 專卷研經 耶利米書系列
錯誤回報,請聯繫comm[@]fhl.net