Chit段經文是先知耶利米ê獨白，mā是伊向上帝申說明猶大人民m̄-nā m̄聽伊ê勸勉，iáu準備ài殺害伊。伊懇請上帝伸出嚴厲懲罰ê手對付chiah-ê拒絕聽從伊勸勉，soah koh想要害死伊ê人，m̄-thang有憐憫。

Chit段經文mā thang參考耶利米書第十一章18到23節、第十二章1到6節、第十五章15到18節等等經文，lóng是先知耶利米teh描述hiah-ê想殺害伊ê人，以及伊心內ê痛苦，因為伊ê同胞拒絕聽從伊傳達上帝ê信息。Tùi耶利米書第三十七到三十八章，mā thang看tio̍h當時hiah-ê社會領袖對先知耶利米確實是恨之入骨，in kā伊掠，並且kā伊關進一枯乾ê古井裡。

不過，tùi chit段告白ê經文中，thang發見kah先知耶利米ê原本態度kah-ná配合bē起來。Tī第十一章20節，先知耶利米是kā伊家己ê「案情」交託hō͘上帝去處理，並且確信上帝是鑒察人心內意念ê上帝，會知影甚麼人ê心內險惡。Á tī第十七章16到18節中，先知耶利米雖然bat祈禱上帝hō͘伊ê敵人「受辱」、「驚惶」、「遭遇災難」、「徹底毀滅in」，m̄-koh，措辭mā lóng無親像chia激烈。

第18節，chit節是hiah-ê反對先知耶利米ê以色列人民表示出來ê態度。Chit節真清楚指出反對先知耶利米ê，包括當時ê宗教領袖「祭司」、「先知」，mā包括「智者」在內。其實就是因為in帶頭作惡（參考耶米冊六：13、八：10），人民chiah拒絕先知耶利米ê信息，因為án-ne，當先知耶利米koh出來傳達上帝ê信息ê時，in ê反應就是馬上聯合起來beh攻擊先知耶利米。In宣告無需要先知耶利米ê信息，因為in認為有「祭司教導」，mā有「先知傳達上帝ê信息」，而chiah-ê in歡喜ê先知lóng kah先知耶利米傳達ê信息無仝款，m̄-koh in並無歡喜先知耶利米ê；in認為有「智者輔導」in，chiah-ê智者可能是teh指族中ê長老，in平常指導人民守社會秩序、遵循傳統道德規律，tī猶太人ê社會中有淡薄á受尊敬。講白了，in拒絕上帝ê奴僕先知耶利米。

第19節到23節，chit段經文是先知耶利米向上帝祈禱ê禱詞。伊向上帝提出為甚麼「良善應得惡報」？伊講hiah-ê想要害伊ê人「挖陷阱要害」伊，而chiah-ê陷害ê計謀lóng是經過設計。伊過去bat替猶大人民向上帝祈求赦免、赦免in，m̄-koh chit-má伊beh改變，伊祈求上帝用「餓死」、「戰死」、「瘟疫」等這三項來懲罰猶大人民。伊祈求上帝「m̄-thang赦免」、「m̄-thang赦免」，因為chiah-ê人想beh陷害伊。