耶利米書 13章1節 到 13章11節   背景資料  上一筆  下一筆
Chit章共計有五段警語,一是第1到11節ê腰帶譬喻;二是第12到14節ê酒缸譬喻;三是第15到17節ê警告以色列人民狂傲m̄聽上帝信息會招致ê災禍;四是第18到19節ê猶大國teh beh面臨滅亡ê危機;五是第20到27節ê猶大以色列人民kā遭遇災難。

tī先知文獻中,不時會看tio̍h in用詩歌表達心中ê感受,á是傳達上帝hō͘ in ê信息,另外iáu有一個特色,就是ài用譬喻,á是用講故事ê方式,來傳達上帝ê信息。目的就是beh hō͘聽tio̍h ê hiah-ê人知影伊所beh傳達ê信息,並留落來深刻ê印象。

Chit段經文是chit章經文ê第一個譬喻,是用一條麻紗腰帶作題材。這mā是伊第一pái用chit種方式來傳達上帝ê信息hō͘ tī猶大ê以色列人民。

第1到5節,上帝ài先知耶利米「去買一條麻紗腰帶束腰」,chit種麻紗是先知衫褲ê布料,mā是所有眾祭司所穿衫ê布料(參考出埃及記廿八:39)。Chia iáu講beh先知耶利米「m̄-thang kā它浸tī水裡」,意思就是m̄-thang洗,án-ne就ē-tàng hō͘人比較khah容易看出lah-sap ê所在tī tó位。M̄-koh mā有另外一個意思,就是這帶本來就真清氣,無甚麼問題,無需要特別清洗。就án-ne先知耶利米聽從上帝ê話去買。而且買來了後,帶去「幼發拉底河」,然後kā「腰帶藏tī石洞內」。Chiah-ê石洞原本是in用來bih起來拜偶像ê所在(參考耶利米書十六:16—17)。這是teh象徵神聖記號ê祭司腰帶,藏tī chit種拜偶像ê所在,真清楚,表明這是teh污穢上帝ê神聖,mā表示in對上帝ê信仰已經敗壞ê意思。

第6到7節,「過些時chūn」,先知耶利米聽從上帝ê指示tńg去the̍h hit條腰帶ê時chūn,卻發見帶「破爛不堪,koh khah án怎都無法度用了」。Chia ê「破爛不堪」所beh表明ê是腐爛到極點。用chit種方式teh象徵以色列人民ê罪惡ná親像chit種腐爛、敗壞。

第8到11節,chit段經文講出上帝決定ài beh進行ê懲罰,就是beh摧毀並破壞「猶大kah耶路撒冷所誇耀ê輝煌成就」。理由真簡單,因為in「m̄肯聽從」上帝ê「命令」,去「膜拜服事別ê神明」,ná親像hit條已經腐爛不堪ê腰帶仝款。

重新查詢 專卷研經 耶利米書系列
錯誤回報,請聯繫comm[@]fhl.net