耶利米書 11章18節 到 11章23節   背景資料  上一筆  下一筆
Chit段經文ē-sái講是先知耶利米心內ê痛苦kah告白,tī chia伊提起家己ê鄉親亞拿突人(參考一:1)想beh殺害伊,原因是in無法度忍受先知耶利米所傳出ê信息。另外,真有可能是因為先知耶利米支持約西亞王進行宗教改革而hō͘ chiah-ê祭司受tio̍h嚴重ê打擊,因為約西亞王m̄-nā革除了真chē參與祭拜偶像ê祭司(參考列王記下廿三:5),甚至kā所有ê祭司集中tī耶路撒冷管理,m̄-koh hiah-ê過去參與偶像祭拜ê祭司卻無得參與聖殿獻祭ê工作(參考列王記下廿三:9),這等於剝奪了過去in tī以色列人民中lóng受尊崇ê地位。

第18到19節,先知耶利米tī chia講伊原本都m̄知有人beh謀害伊,是上帝親自啟示伊,伊chiah知影ê。Chit句「趁這樹茂盛ê時chūn kā它phut掉」,這是teh指先知耶利米正積極參與約西亞王ê改革運動,因為án-ne用「樹茂盛」來形容先知耶利米是王宮當紅ê先知。In想beh趁機會殺害先知耶利米並hō͘宗教改革運動徹底消滅。

第20節,chit節mā出現tī耶利米書第二十章12節。

先知耶利米向上帝祈禱,講kā家己ê案情lóng呈現tī上帝面前,伊祈求「鑒察人ê心思意念」ê上帝,替伊「伸冤」。

第21到23節,chit節真清楚指出beh陰謀殺害先知耶利米ê,就是「亞拿突」人,in是先知耶利米ê鄉親(參考耶利米書一:1)。主要是因為伊傳講上帝ê信息hō͘ in oh得忍受。因為án-ne,in威脅先知耶利米m̄准koh再繼續傳揚上帝ê信息。上帝因為án-ne決定beh嚴懲亞拿突人,而且是無任何人thang佳哉免得。

重新查詢 專卷研經 耶利米書系列
錯誤回報,請聯繫comm[@]fhl.net