耶利米書 10章1節 到 10章16節   背景資料  上一筆  下一筆
Chit章主要thang分做二個部分來看:一是第1到16節,這部分乃是先知耶利米指出偶像神明lóng是虛假ê神,而耶和華上帝chiah是創造萬物ê偉大真神。先知耶利米苦勸伊ê同胞m̄-thang koh再相信hiah-ê假神,tio̍h悔改歸向大有能力ê耶和華上帝,並聽從祂ê話,因為tī祂內面chiah有性命ê ǹg望。二是第17到25節,預言耶路撒冷ê滅亡teh beh來臨。

Chit段經文有一個清楚ê主題,就是用創造天地萬物主宰ê耶和華上帝,kah用人ê手所造出來偶像神明對比,真清楚thang看出人mā是受造ê萬物之一,這說明只要是受造物,就m̄是神,根本無法度kah造物主相比。人用手所造出來偶像神明m̄是真神,óa靠chit種偶像神明kan-taⁿ會hō͘人帶來毀滅。Á創造宇宙萬物ê上帝帶hō͘信靠祂ê人永恆ê性命kah希望,因為萬物lóng掌握tī chit位永恆ê主宰手中。

Koh講,第12到16節ê經文差不多kah第五十一章15到19節完全仝款。Mā thang同時參考以賽亞書第四十章12到17節ê詩歌。Chiah-ê經文lóng是teh宣告、歌頌上帝創造ê偉大、無tè比。

第1到2節,「Lín beh聽耶和華對lín所講ê話」,chit種語句是先知運動中傳出上帝信息ê典型句話。先知運動中之所以常用「beh聽」(參考耶利米書二:4、九:20),á是「注意」(參考以西結書四十四:5,何西阿書五:1),lóng是teh提醒以色列人民tio̍h注意,上帝ê話絕對m̄是講sńg笑,祂絕對會實現所講ê話。上帝beh以色列人民進入迦南地ê時,「m̄-thang隨從異國風俗習慣」,摩西律法中原本就有明文規定(參考利未記十八:3、二十:23),因為in ê生活風俗中,時常會觀看「天空奇異ê景象」,既行占星、卜卦等chit種有含錯誤宗教信仰ê行為。Á hit工空奇妙ê變化ê時,就會產生莫名ê「攪擾」kah「驚恐」。因為in m̄知天象kah日、月、星辰等物lóng是上帝ê手所創造ê。

第3到5節,chit三節詩歌講tio̍h有關迦南地人用金、銀、木頭所鑄造ê假神ê特徵。是用「林中剉落來ê木頭,由師傅所雕刻」,一點價值mā無(參考耶利米書十:15、五十一:18)。M̄-nā án-ne,chiah-ê偶像需要「用金銀修飾,用釘釘牢,hō͘ in bē致使跋倒」,chit種神明無可能tī人tú-tio̍h危急ê時chūn,拯救人ê性命。Chiah-ê虛假ê人造神明「kah-ná瓜田裡ê稻草人」,siōng大ê功能是用來嚇行不知情ê飛鳥,卻對人一點影響力mā無,最後kan-taⁿ會變成田裡ê堆肥。Chiah-ê假神ê另外一特徵,就是「無法度講話,無法度行路,ài人扛teh行」,因為án-ne,既「無法度加害」mā「無法度幫助」人,因為án-ne,去走chhōe chiah-ê神明ê幫助真不切實際。

第6到7節,tùi第6節開始到第10節,講述宇宙萬物ê主宰上帝kah頭前第3到5節虛假ê神明相對照。

「無人ē-tàng kah你相比」,chit句話thang參考詩篇第八十六篇8節。表示無任何偶像神明thang kah創造宇宙萬物ê上帝相提並論。Á十誡ê第二誡mā清楚表示,上帝m̄准用任何人ê手所造ê神明kah祂相比(參考出埃及記二十:5)。因為án-ne,只要聽tio̍h上帝ê名,就會明白上帝bat用祂「大有能力」ê手帶領以色列人民出埃及、過紅海(參考出埃及記十五:14—16)。為chit件事,所有聽tio̍h ê列國諸王lóng尊敬chit位「萬國ê君王」,當然mā無任何君王敢kah chit位上帝相比。

第8節,chit節thang參考以賽亞書第四十四章9到11節、15到20節。

Chia講所有拜偶像神明ê王lóng是「愚戇無知」,因為in m̄-bat真正神。
第9節,chit節解釋了第4節前句「金銀」ê出處。Chia講鑄造偶像ê「金」子是tùi「烏法」進口ê。Á銀á是「tùi伊施進口ê」。Chia真清楚說明,無論chiah-ê偶像神明是用純金á是純銀,á是「穿插藍色、紫色ê衫褲」án-ne高貴材質ê布料,iáu是仝款無能力,因為in lóng是「木匠、銀匠ê創作」。

第10節,這是teh歌頌創造宇宙萬物ê神,chiah是真正偉大,是「永生ê上帝,永恆ê君王」,只要祂「你一震怒,大地動」,「hō͘萬國khiā立不住」,甚至全地lóng會親像蠟仝款鎔化(參考詩篇九十七:5b)。   
 
第11節,chit節是用亞蘭文寫ê,大概是寫hō͘ hiah-ê旅居外國ê猶大人看ê。Ài散居tī國外ê以色列人民lóng tio̍h勇敢向所有ê人公開「宣告」講「偶像m̄是創造天地ê神」,因為這是用人ê手雕刻出來(參考耶利米書十:3—4)。所以chiah-ê偶像神明「一定會被消滅,tùi天地間消失」,意指chiah-ê虛假ê神明並無親像創造宇宙萬物ê上帝仝款,是永恆ê,只有拜in ê國家存在ê時chiah存在。仝款ê,國家若是hō͘敵人消滅,chit種虛假ê神明mā會跟tòe被敵人消滅破壞。

第12節,tùi chit節到第16節,差不多kah第五十一章15到19節完全仝款。Mā thang同時參考以賽亞書第四十章12到17節ê詩歌。Chiah-ê經文lóng是teh宣告、歌頌上帝創造ê偉大,是無tè比ê。Chit節kah第13節,lóng tī說明上帝m̄-nā用祂ê「大能」、「智慧」創造宇宙大地,mā用祂ê「聰明展開天空」,這說明kui個宇宙就是tī上帝ê計畫中創造出來ê。

第13節,chit節thang參考詩篇第一三五篇7節。
Chit節主要lóng tī說明上帝創造ê奇妙,絕對m̄是人所ē-tàng想像會tio̍h,koh khah m̄是虛假ê神明ē-tàng做會到ê。包括有「天空上ê水」、「雲朵tùi地平線浮現」、「sìh-nà tī雨中發光」,kah風tùi「倉庫吹出」等,chiah-ê lóng tī說明m̄是用人ê能力thang瞭解ê事。

第14到15節,人siōng大ê「愚戇」,就是人用家己ê手造出來ê偶像,卻kā它當做神明來拜,真是「荒謬可笑」到極點。

第16節,chia特別提起「雅各ê上帝」chit-ê詞,是kah雅各teh逃走tī伯特利ê經驗有關(參考創世記廿八:10—15);tī hia雅各tú-tio̍h上帝,瞭解chit位創造ê上帝是無所不在ê上帝,而且上帝iáu親自對雅各講話,表示chit位萬物ê主宰是活活ê神。

重新查詢 專卷研經 耶利米書系列
錯誤回報,請聯繫comm[@]fhl.net