耶利米書 1章11節 到 1章19節   背景資料  上一筆  下一筆
Chit段經文記載先知耶利米看見兩個異象,這異象是上帝beh hō͘伊傳達ê信息。然後,上帝teh表明beh kah先知耶利米同在,並且hō͘伊真清楚知影會tú-tio̍h猶大社會領導階層者ê攻擊,ē-sái講是上帝一定會「解救」伊。

第11到12節,這是第一個異象,上帝hō͘先知耶利米看見「一條杏樹枝子」。Tio̍h注意ê是「杏樹枝」ê希伯來文,kah「儆醒」chit-ê詞ê字根真接近。「杏樹」通常是tī一月底到二月初之間開花。上帝透過杏樹異象hō͘耶利米知影,上帝beh伊傳達ê信息,是一定會「實現」。

第13節,這是第二個異象出現。「北方有一個滾沸ê鍋,向chit pêng倒過來」,這是一種象徵性ê語句。「北方」,這是teh指巴比倫帝國。Á「滾沸ê鍋」,表示只要被淋到一定會受tio̍h嚴重ê燙傷。chit-má上帝hō͘先知耶利米看tio̍h chit-ê滾沸ê鍋會倒向猶大國,表示猶大國會親像受tio̍h嚴重ê燙傷一般。

第14節,thang參考以賽亞書第四十一章25節。

Chit節表示災難會來自北方,嚴厲打擊猶大人民khiā起ê耶路撒冷kah附近城鎮。

第15到16節,chit兩節真清楚講出上帝ê計畫,就是beh hō͘北方ê國家聯合起來,同齊攻打猶大國,chiah-ê聯合起來攻打猶大ê國家,會分割佔領各自佔領ê城鎮,「建立in ê政權」,意思是佔領並統治猶大。原因是猶大人民「所犯一切ê罪惡」,chit種罪惡就是「棄sak了」上帝,in去做上帝siōng討厭ê事,就是拜偶像「獻祭hō͘別ê神明」。

第17節,上帝ài先知耶利米「準備好勢」,kā上帝ê話kā猶大人民講。上帝beh伊「準備好勢」,是因為一定會tú-tio̍h強力ê反彈。無論tú-tio̍h jōa大ê困難,lóng tio̍h kā上帝ê話傳達出去。

第18到19節,chit兩節mā thang參考第十五章20節。

上帝真清楚hō͘先知耶利米知影,伊出去傳福音,並無會真順利,卻是會tú-tio̍h強力反彈、阻擋。Chiah-ê強烈反對伊ê人包括「君王、官長、祭司」kah一般人民。其實thang án-ne講,就是因為人民無覺醒,chiah會hō͘ chiah-ê國家領導者棄sak了上帝。M̄-koh即使án-ne,上帝應允先知耶利米,講beh賜hō͘伊有夠額ê「力量抵抗in」,chit種力量之大,ná親像「堡壘、鐵柱、銅牆仝款堅強」

重新查詢 專卷研經 耶利米書系列
錯誤回報,請聯繫comm[@]fhl.net