以賽亞書 5章26節 到 5章30節   背景資料  上一筆  下一筆
這是第三首詩歌,主要teh說明上帝決定beh嚴厲懲罰以色列人民,上帝採取ê方式是以色列人民連想都無想tio̍h ê方式—揀選以色列人民ê仇敵來懲罰上帝家己ê選民以色列人民。Mā就是講:上帝是khiā tī以色列人民仇敵ê hit邊,卻m̄是khiā tī以色列人民ê chit-ê邊。上帝會án-ne無顧一切採取chit種殘酷ê手段,主要原因就是以色列人民「違背以色列神聖上帝ê律法,拒絕上主—萬軍統帥ê教導」(第24節)。

第26到29節,chit段經文中真清楚講出,上帝beh集合以色列人民ê仇敵來懲罰in,chiah-ê仇敵lóng是非常凶猛。先知以賽亞講chit支軍隊ê「箭銳利」、戰馬強壯,軍隊威武ná親像「獅吼叫,像幼獅獵到à野獸,無人ē-tàng搶行」仝款。

第30節,「hiah-ê日子來到ê時chūn」,ná親像頭前所提起ê,這是上帝審判ê日子來臨。Hit時,無任何ê希望,只有ê就是「四界烏暗愁苦」而已。

重新查詢 專卷研經 以賽亞書系列
錯誤回報,請聯繫comm[@]fhl.net