Chit章ē-sái講是一首史詩，描述了以色列人民tùi hō͘上帝揀選，到in因為棄sak上帝受懲罰，詩人用歷史ê經歷說明上帝無比ê疼。M̄-koh顯然地，直到in回鄉tńg來國重建家園，以色列人民並無呈現出上帝子民應該有ê新樣式、新ê心靈。詩人希望透過歷史ê經歷，喚醒伊ê同胞記起上帝拯救ê恩典，會聽從上帝ê話，tńg來到上帝面前。

Chit段詩歌真親像第四十一章8到10節所講過ê，充分顯示出上帝對祂所揀選ê子民ê疼，上帝應允會永遠kah in同在，並且會kā四散在世界各地ê子民召tńg來。這mā是頭前一再敘述過ê。Koh講，chit段詩歌mā提供了一個非常重要ê信息，就是koh一pái確認拯救以色列人民脫離奴役生活ê，就是chit位獨一無二ê創造者，絕對不允准有其它ê神明kah祂相提並論。因為chit位拯救ê上帝就是獨一ê神，只要專一敬拜上帝，必定會得tio̍h上帝ê保守、看顧，hō͘國家、民族tī上帝所賞賜ê土地頂面，長居久安。

第1到2節，chia一開始就宣告講「創造你ê上主」，chit句話m̄-nā是teh指單一ê個人，mā講出一個民族、國家，lóng是tùi上帝來ê創造。上帝tī chia講祂「beh保護」以色列，意思真清楚，就是beh kā四散在世界各地ê以色列人民「救贖」tńg來。祂ài tī苦難中ê子民「mài驚」，因為上帝teh beh伸出祂救助ê手帶領in tńg去故鄉。雖然in ê性命ná親像「臨深淵」、「渡江河」、「踏炭火」、「陷tī火燄」內，lóng m̄免驚惶，因為創造ê主─以色列ê上帝，teh beh伸手救助in遠離chiah-ê危害in性命ê鎖枷。

第3到4節，chia說明上帝拯救以色列人民脫離頂面所講ê苦難ê理由，就是上帝kah以色列人民之間立有性命之約，chit種約就是「我是上主─你ê上帝」。Chia講上帝beh「the̍h埃及贖回你ê自由」，chit句話thang參考以賽亞書第十九章19到22節，說明上帝beh kā以色列人民tùi埃及人手中搶救出來。Koh講，上帝會kā祂所揀選ê子民看做是心中寶貝，因為án-ne，願意付出siōng大ê代價來拯救祂ê子民脫離苦難。

第5到6節，「mài驚，因為我kah你做伙！」這是典型上帝呼召人出來當奴僕ê話語（參考出埃及記三：12a，約書亞記一：9，士師記六：16a，耶利米書一：8，以西結書二：6—7）。

詩人tī chia提起「東方、西方」、「北方」、「南方」等，其實指ê就是全世界。既然是上帝發出拯救ê信號，就beh全世界各國lóng tio̍h kā上帝ê子民釋放tńg來，因為chiah-ê被揀選ê子民lóng teh代表上帝ê「榮耀」。Chia「榮耀」一詞，表示兩個意義：一是teh指上帝ê拯救，另外一是teh指上帝ê創造。

第8到9節，chit兩節ná親像天頂teh開庭審理案件仝款。上帝下令，ài kā受審者「傳到法庭來」，因為上帝beh親自開庭審理案件，祂ài做審判者。上帝beh審判chiah-ê「有目睭，卻看bē-tio̍h」，以及「有耳á，卻無法度聽」ê子民，因為in去拜ê神明就是án-ne，去拜chit種神明ê人，就kah chiah-ê神明仝款。M̄-nā án-ne，上帝mā tio̍h同時審判「萬國萬民」，上帝ài in到法庭來kā in所拜ê神明ê能力顯現出來，看māi chiah-ê神明是m̄是ē-tàng預言未來ê事，án-ne才能證明in真正有chit種能力。

第10節，「以色列人，lín是我ê證人」，chit句話tī第12節koh重複一pái。這真清楚teh說明，以色列人民因為bat hō͘上帝tùi埃及帝國手中拯救出來，in ē-tàng生存落來，就是上帝極大ê恩典。Mā是siōng好ê證人，in有義務kah責任替上帝做見證。Á beh見證ê主要內容，就是chit句：「除了我，無別ê上帝。」這mā是十條誡命ê第一誡（參考出埃及記二十：3）。Á chit句「過去無，將來mā bē有」，表示chit位拯救ê上帝，是永恆ê上帝。無論這時代怎樣改變，祂永遠bē改變。

第11節，chit節tī第四十四章6節、8節、第四十五章5到6節、18節、21到22節、第四十六章9節等等，lóng一再重複chit位創造天地ê上帝，乃是獨一ê上帝。Mā tùi chia thang看出chit-ê上帝是獨一無二ê神ê信念，是用賽亞書所強調ê信息中心，mā ē-sái講是kui本聖經ê中心信息。

第12到13節，chit位獨一無二ê上帝是真實可靠ê，祂ē-tàng「宣告teh beh發生ê事」，無任何一位神明有chit種能力。Á chit位獨一無二ê神，beh審判世間所有ê人，「無人ē-tàng逃脫」上帝ê「掌握」，原因是kui個宇宙lóng tī上帝管理之下，無論是tī koân天á是深淵，上帝lóng tī hia等待（參考詩篇一三九：7—8）。而且，mā「無人ē-tàng改變」上帝奇妙ê「作為」，上帝決定beh做ê事一定會實現因為祂是信實ê上帝。