以賽亞書 28章14節 到 28章29節   背景資料  上一筆  下一筆
Chit段經文提起一個真重要ê觀念,虛假、講白賊等行為,lóng是上帝所討厭ê行為,而驕傲koh khah是上帝所無法度忍受ê態度,因為驕傲等於是teh褻瀆上帝ê神聖,必定會招來上帝嚴厲ê懲罰。Tī chit段經文中,先知以賽亞用以色列人民siōng熟悉ê農事生活kah工作方式,來說明上帝像一個老練ê作穡人,一定會真有計畫進行所有ê農事,雖然有時計畫mā改變,m̄-koh一當伊開始種作,就已經確定目標。先知用這譬喻來說明只要上帝一出手,就會決定去完成。

第14節,chit節講「tī耶路撒冷治理人民ê傲慢首領」,等於是teh指hiah-ê耶路撒冷ê眾領袖因為是「傲慢」,所以無認為上帝chiah是in ê庇護者,而且會用輕視ê態度看待信仰之重要性。

第15到17節,先知以賽亞非常清楚,若是由chit種「傲慢」ê人領導一個國家á是社會,等於是「kah死亡簽了約,kah陰府訂了合同」仝款ê危險。M̄-koh上帝卻tio̍h「tī錫安建立堅強穩固ê基礎」kah「貴重ê基石」,而且是beh以「真理kah公義」是一個社會穩定ê基礎,先知以賽亞呼籲以色列人民一定會對上帝有信心,伊強調「有信心ê人一定堅定不移」。M̄-koh一個社會若失去真理kah公義這兩項基礎,縱然經濟繁榮,mā必是剝削了貧困者而得來ê。Chit種社會是上帝所討厭,而且是上帝所beh懲罰ê原因。

第18到19節,chit段經文回應了第15節所講ê,先知以賽亞tio̍h以色列人民聽好,m̄-thang認為kah埃及結盟就ē-tàng解決問題,無。若無上帝ê帶領,就是自取滅亡。「災難」是teh指上帝ê懲罰,ná親像第17節所提起ê,有冰雹、大水。而且上帝ê懲罰是必定徹底,bē有任何緩衝空間。

第20節,這是一句流傳tī巴勒斯坦ê諺語,表示lóng無好處。先知以賽亞用這諺語來表示:猶大tio̍h kah埃及聯盟,m̄-nā無用,反tńg hō͘家己礙手礙腳,全身lóng m̄爽快。

第21節,chia先知以賽亞提起歷史故事。關係「比拉心山」,thang參考撒母耳記下第五章20到21節,上帝幫助大衛phah敗非利士人,情況ná親像「大水沖破堤防」一般,hō͘非利士人受tio̍h非常慘重ê損失。「基遍谷」,thang參考約書亞記第十章1到11節,約書亞帶領以色列人民tī基遍擊潰了耶路撒冷、希伯崙、耶末、拉吉,kah伊磯倫等亞摩利王聯合ê軍隊。這兩pái ê出擊,lóng是tī上帝親自帶領下完成ê。有上帝ê幫助,就有hō͘人意想bē到ê氣力kah勝利。這講出一個重要ê觀念:上帝ē-tàng幫助以色列人民對抗敵人,上帝mā可能kā悖逆祂ê猶大人民當做祂ê敵人,ná親像祂打擊非利士人,á是用冰雹打擊亞摩利人仝款。到時,猶大人民m̄-thang認為上帝phah m̄-tio̍h去對象。

第22節,chit節是先知以賽亞用警告ê語氣kā以色列人民講,ài in m̄-thang kā上帝ê懲罰當做是thang「譏笑」ê信息,若無,kan-taⁿ會為in帶來koh khah大ê懲罰,in絕對不逃出上帝忿怒所帶來懲罰ê「厄運」。

第23節,「tio̍h注意聽」,這是來自天頂ê呼籲,tī先知ê文獻中一再出現。

第24到25節,chit兩節lóng是用作穡人tī田裡犁田、工作ê實況,說明作穡人種作必定會有預定ê目的。為tio̍h beh栽種ê農作物無仝款,耕田ê方式mā會有無仝。先知以賽亞用「小茴香kah大茴香」kah「小麥á是大麥」,以及「tī田ê邊緣種其它穀物」等,來講栽種ê種類無仝,耕犁ê方法mā會有差異。先知以賽亞用chit種譬喻,teh說明上帝出手chìn前,mā lóng會先計畫好一切ê工作,無論是拯救,á是懲罰lóng仝款。

第26到29節,如果農民lóng知影怎樣種作,就koh khah免講賞賜性命hō͘農民ê上帝了。先知以賽亞用農事做譬喻就是beh hō͘猶大人民知影上帝對待in,ná親像一個作穡人知影怎樣篩選麥á á是其他農作物仝款,先知以賽亞期待伊ê同胞猶大人民趕緊悔改認罪。

重新查詢 專卷研經 以賽亞書系列
錯誤回報,請聯繫comm[@]fhl.net