何西阿書 7章1節 到 7章16節   背景資料  上一筆  下一筆
先知何西阿kā上帝kah以色列人民ê關係,是以「夫妻」來譬喻,因為án-ne先知何西阿呼籲當時ê以色列人民,tī信仰上一定tio̍h ná親像「夫妻」之間ê關係一般ê忠實,bē-tàng有心懷二意ê信仰態度。一定會「絕對忠實」(指「認真」ê意思),chit點是讀先知何西阿ê chit本經冊應該有ê認bat。伊mā進一步kā以色列人民講,一定tio̍h是ta̍k工、每ê時每刻對上帝有堅定不移ê疼,就親像上帝tùi bē改變、減少對in ê疼仝款。卻m̄是tī節期到à ê時chūn,chiah想tio̍h ài怎樣疼上帝。上帝ài先知何西阿對以色列人民所講ê:「我要求ê是堅定ê疼,m̄是牲祭;我ài我ê子民認bat我,無ài燒化祭。」這真清楚teh說明上帝歡喜人kā信仰落實在每工ê生活kah工作中,卻m̄是tī節期中各式各種ê慶典禮儀。

第1到2節,是繼續前一段經文所提起ê,上帝tiāⁿ-tiāⁿ苦勸以色列人民悔改「歸向」祂,m̄-koh以色列人民kah-ná對上帝ê呼聲聽不入去,總是想出所有ê辦法beh棄sak上帝ê旨意。Chia提起「復興」、「醫」,chit兩個名詞是仝款ê意思,指ê就是「拯救」。這表示上帝想beh「拯救」以色列免tī滅亡,m̄-koh結果所看ê卻lóng是「欺騙,偷the̍h,tī街路phah劫」。M̄-koh上帝lóng kā chiah-ê記錄落來來à。 

第3節,講出當時北國以色列真正ê問題所在—欺騙。上到國王,下到一般人民,大家lóng歡喜欺騙。表示當時猶大國內已經是一個充滿tio̍h欺騙ê環境,無誠實thang講ê社會。欺騙,mā teh代表人民ê心中已經無上帝ê信仰。

第4到6節,先知何西阿用烘麵包ê灶腳實景來譬喻宮廷鬥爭ê景況;tī第4節提起「叛逆」者ná親像「teh等待麵團發起來」ê麵包師仝款,隨時準備ài kā麵團送入去火爐裡去烘仝款。Á人民會利用「國王有喜慶」ê時,就用「烈酒灌醉了國王kah官長」,甚至是「百般愚弄in」,hō͘ in輕鬆落來了警覺心,thang hō͘政變一出手就成功而奪取到政權。Chit種篡奪王位ê背景thang參考列王記上第十六章8到10節,記載以色列王以giú因為lim醉酒被心利刣死,而且王位mā被奪取。

第7節,是非常關鍵ê一節經文,講出北國以色列滅亡ê原因,就是一再發生殺害君王篡奪王位ê事,大家想ê lóng是權柄,卻無想tio̍h向上帝「求助」chiah是正途,認為只要有權柄就ē-tàng解決國家ê危機。

其實,自從耶羅波安二世死後,北國以色列tī短短二十年中就換了六位國王,其中有四位m̄-nā遇tio̍h謀殺,王位mā被篡奪。

第8到9節,所講ê「以色列人明明是親像半生不熟ê麵包」,意思就是兩面lóng m̄討好;既得罪上帝,koh落得hō͘鄰國亞述有機會,hō͘家己陷入了「死期」lóng iáu m̄知,án-ne chiah是真正悲哀。

這「半生不熟ê麵包」,是teh指kā麵包khǹg tī石頭殼頂烘(參考列王記上十九:6),á是kā麵包khǹg tī爐灶上烘,m̄-koh卻無kā它翻面,致使後來麵包頂面iáu未熟,下腳已經烘焦。譬喻考慮無夠周延,á是政策ê決定太粗糙ê意思。

第10節,是kui章經文ê中心,講tio̍h以色列人民真正ê問題,就是傲慢,m̄知「歸向」上帝。Chia ê「歸向」,意思是teh指悔改,tńg來到上帝ê旨意kah教示裡。

第11節,「以色列人像一隻無知ê粉鳥」,chia所講ê「無知」,指ê是「無心」ê意思。「心」,chit-ê字tī希伯來文是teh指人ê意志,這意志是表現在理智ê層面。當先知何西阿形容以色列人民像「無知」ê粉鳥ê時,就是講in根本就無認真思考,決定óa靠「埃及」,然後koh去chhōe「亞述」幫助ê時,上帝會怎樣看待in?換句話講,以色列ê眾領袖已經失去領導者應該有ê智慧。結果像一隻「無知ê粉鳥」,m̄是chhōe bē-tio̍h家己ê窩、被掠,就是四界飛,飛到精疲力盡了後,就跌落死去。

第12節,先知何西阿提醒以色列人民,上帝bē默視chit種行踏,因為上帝ê選民無以上帝誡命為重,雖然in thang tùi亞述得tio̍h幫助,m̄-koh上帝卻beh hō͘ chiah-ê看起來kah-ná真有成就ê國際外交手腕kah成就化做烏有。

第13節,先知何西阿用幾個連串做伙ê詞字,tùi「棄sak」→「毀滅」→「背叛」→「講白賊」。Chiah-ê詞字lóng是環環相扣ê;棄sak上帝,等於是毀滅家己ê性命仝款;背叛上帝,等於自chhōe死路。Á siōng典型ê犯罪行為就是講白賊,因為chit種人,心中無上帝。所代表ê意義就是kah棄sak了上帝仝款。Ài beh特別注意ê是「講白賊」chit-ê詞,iáu有另外一個意思,是teh指「拜別ê上帝」。Mā就是對上帝無忠實ê心。

第14節,thang看tio̍h先知何西阿指出,以色列人民確實是拜偶像拜得真厲害。以色列人民用異教拜偶像神明ê方式,來向上帝祈求賞賜糧食,這是真荒謬ê行為,表示信仰已經偏離了原本應該有ê純真。

第15到16節,非常清楚koh一pái強調,上帝chiah是真正「養育」以色列性命ê神,因為是上帝tùi埃及kā in祖先帶領出來,koh Tī曠野中養飼in,並且帶領in進入迦南應允之地,hō͘ in tī大衛王朝時代成做「強壯」ê民族、國家。M̄-koh現在in卻bē記得一切,跟tòe迦南人去拜「hiah-ê無能 ê神明」,chiah-ê神明ná親像「扭歪了弓仝款」,根本就無法度用。結果帶領人民棄sak上帝ê「首領會橫屍戰場」,原因只有一點:m̄承認上帝是in性命ê主宰,這kan-taⁿ會為in換來埃及人ê恥笑而已。因為上帝用大能ê手kā in ê祖先tùi埃及帶領出來,taⁿ in卻tńg來去chhōe埃及幫助,這真正是可笑至極。

重新查詢 專卷研經 何西阿書系列
錯誤回報,請聯繫comm[@]fhl.net