以西結書 41章5節 到 41章12節   背景資料  上一筆  下一筆
這是談起聖殿內牆兩pêng ê廂房,並特別提起西邊ê厝宅。

第5節,「聖殿ê內牆,厚三公尺」,這牆kah外院ê牆厚度仝款,lóng是三公尺(參考四十:5),而且「靠tio̍h聖殿ê牆周圍有廂房」,chit種情形就kah外牆ê東、南、北面lóng各有十間ê情形仝款。Chiah-ê廂房「每間闊兩公尺」。

第6到7節,chiah-ê「廂房有三層,每層有三十個房間」,án-ne總共有九十間廂房。Á「聖殿外牆ê每一層lóng比下一層凹入去,上層比下層薄」,這說明就是jú往頂面去,就jú往內縮,就ná仝一個座樓梯形狀。Chia有九十間廂房,卻都無說明功用何在。Chiah-ê廂房外面「有兩個闊闊ê樓梯」,因為án-ne,thang tùi一樓爬到三樓。

第8到11節,「聖殿ê北面有一個門thang通到各廂房,南面mā有一個門通到各廂房」,其實,這九十間廂房就是靠tio̍h chit兩個門當通道使用。一般會行tī「有兩公尺半闊」ê平台,行Tī頂面á是tùi廂房搬運物件,應該是真安全koh方便ê。

第12節,chit節特別提起至聖所後面ê「一座厝」,這是一間獨立ê「厝宅」,是真大ê一間「長四十五公尺,闊三十五公尺」,「四周ê牆壁厚兩公尺半」,m̄-koh,並無說明這房間ê功用。

重新查詢 專卷研經 以西結書系列
錯誤回報,請聯繫comm[@]fhl.net