以西結書 37章1節 到 37章28節   背景資料  上一筆  下一筆
Chit章ē-sái講是kui卷以西結書siōng特別ê一章,談起上帝hō͘死去ê枯骨全部甦醒起來,chit種異象ê預言,是tī回應頭前一再提起過上帝beh帶領四散在世界各國ê以色列人民tńg去故鄉之期待(參考二十:34、廿八:25、三十四:13、16、三十六:24),對tī所有ê以色列人民來講,這是真大ê鼓舞kah激勵。Chit種應允ê背景,tú好teh說明kui本聖經一再傳達ê中心信息:tī上帝手上無無法度成就ê事。因為祂就是創造宇宙萬物ê主宰。Chit位創造主ē-tàng tùi「無」生「有」,當然thang用已經枯乾真久ê骨頭,來創造新ê性命。

Chit章iáu有一個重要ê主題,就是用兩條木棍來譬喻分裂ê以色列民族,上帝beh koh一pái帶領in tńg去故鄉重建家園,hō͘ in有機會重新復合,ná親像hō͘兩條木棍成做一條。

Chit段經文是談起有關死去已經真久,骨頭lóng已經非常枯乾ê狀況下,上帝用重新創造ê方式,pûn氣進入chiah-ê骨骸,hō͘ chiah-ê死後已經埋葬tī墳墓裡ê屍體koh活起來,成做ē-tàng保國衛民ê軍隊,tī家己家園ê土地頂面耕耘。

第1到2節,chia記載是上帝ê「靈」tī運行,這靈帶領先知以西結「行遍山谷」,kui個「山谷裡堆滿非常枯乾ê骨骸」,這是hō͘人看了就會怵目驚心ê景象。這thang聯想tio̍h主前587到586年期間ê背景,當時巴比倫軍隊圍困耶路撒冷城,城內鬧饑荒嚴重到人食人充飢(參考耶利米書十九:9,耶利米哀歌二:20、四:10)。另外一方面,就算是ē-tàng逃出耶路撒冷城,mā會hō͘守tī城外ê巴比倫軍隊,á是tī城外thèng候圍捕殺戮ê以東軍隊殺害。Á kui個山谷lóng是骨骸,就thang知影被殺害ê人數是chē到無法度估計,而用「非常枯乾」一詞,tú好表示死亡已經有一段真久ê時間,tī人看起來,絕對無可能有任何koh活ê希望。這mā隱喻tio̍h所有tī俘虜營中ê以色列人民對性命已經絕望到極點。

第3到6節,chit段經文是先知以西結kah上帝之間ê對話。

上帝ê靈問先知以西結,chiah-ê枯骨是m̄是「ē-tàng koh活起來」?先知以西結真清楚性命ê問題「只有」上帝chiah「知影」。

既然án-ne,上帝就beh先知以西結向chiah-ê非常枯乾ê骨骸講「預言」,表示上帝beh做ê事:一是「我beh吹做一睏進lín內面,hō͘ lín koh活起來」,chit-ê「氣」字,希伯來文是「ruah」,tī創世記第一章2節、第二章7節等等記載仝款ê字,這說明上帝ê靈,就是上帝ê氣力,mā是性命之氣。因為án-ne,當上帝ê氣一吹入chiah-ê枯骨,chiah-ê原本無性命ê枯骨,就會「生筋長肉,包上一層皮」,重新出現生機。二是上帝ê氣一吹,原本看起來是完全死去ê性命,就會「koh活起來」,而這是只有性命ê主宰—上帝chiah ē-tàng做到ê事。

第7到8節,當先知以西結「遵照上主ê命令講預言」,伊忽然發現chiah-ê骨骸開始有「瑟瑟ê聲音,一陣騷動,骸骨彼此連結起來」,而且是「生筋長肉,包上一層皮」,然後講「軀體iáu未呼吸」,表示iáu未性命ê跡象出現。這真清楚說明chiah-ê原本非常枯乾而且是四散分離ê骨骸,現在重新組合了起來,表示性命開始tī重整,展現了性命ê契機。

第9到10節,上帝beh先知以西結續落來「向風講預言」,chia ê「風」一字,就是創世記第一章2節所講上帝ê「靈」,mā是第二章7節ê「氣」字。當伊遵照式樣ê命令對風講預言後,果然有「tùi四面八方吹來,pûn入去chiah-ê軀體」,chiah-ê「軀體就活起來,khiā立起來」,而且koh khah特別ê是,chiah-ê活起來而且khiā立起來ê人,數目「夠額編成軍隊」,mā表示chiah-ê koh活ê人,m̄是親像破病tú復原ê人,卻是親像thang馬上赴戰場ê精兵仝款壯碩。

第11到14節,chit段經文講出以色列人民ná親像頭前所敘述ê滿山滿坑ê屍體,而且是非常枯乾ê骸骨仝款,對kui個民族ê性命已經不存任何希望à。M̄-koh現在一切lóng 會改變,因為上帝伸出了祂憐憫ê手。上帝講beh「phah開」死亡ê「墳墓」,kā in「帶出來」,領in tńg來到「以色列本土」。M̄-nā án-ne,in無koh ná親像埋葬tī墳墓裡已經死去ê人,卻是「活起來」有上帝「活氣pûn入去」in原本已經死去ê身軀,in就án-ne重新得力,而且體驗出chit位pûn氣tī in身軀、賞賜kā in賜福新性命ê就是主上帝。

第15到19節,chit段經文是上帝beh先知以西結the̍h「兩條木棍握tī手裡」做象徵性ê譬喻預言。Tī這兩條木棍中,其中有一條Tī頂面寫「猶大王國」,另一條頂面寫「以色列王國」,然後kā這兩條木棍「兩頭相接,當做一條木棍」。這teh說明以色列tī所羅門死後分裂做做南北兩國,現在beh接起來,表示重新復kah成一個國家。其實,早tī先知運動中就有過chit種呼籲(參考何西阿書一:10—11,以賽亞書十一:12—13,耶利米書三:18、三十:1—3)。上帝beh先知回覆hiah-ê來詢問chit-ê木棍譬喻ê同胞,tī上帝手中,以色列民族無南北二國之分,表示上帝beh拯救ê是kui個以色列民族。

第20到22節,chit段經文真清楚表示上帝beh先知以西結kā「兩條木棍握tī手裡」,hō͘以色列人民清楚看見,上帝決定tùi四散到世界各地ê以色列人民,kā in帶tńg來故鄉「本土」。然後ài kā in「組成一個國家」、「由一個君王來統治」、「無koh分裂為兩國」,這lóng teh表示tio̍h上帝ê應允to̍h是會實現,ná親像兩條斷裂ê木棍,kā重新組合做伙。

第23節,chit節講tio̍h幾個重要ê動作:

一是,tńg去故鄉ê以色列人民「無koh拜thang憎惡ê偶像玷污家己」,換句話講,in會對上帝忠實,專心敬拜上帝。

二是tī社會生活上「無koh腐敗犯罪」。過去濫刣無辜、欺壓弱勢者等罪行,以後be7 koh出現。

三是上帝beh親自「洗淨in」,表示上帝beh用清潔ê水洗盪、霧in,洗掉in身上ê污穢。

四是上帝beh koh一pái宣告kah以色列人民ê約:「in beh做我ê子民;我beh做in ê上帝」。

第24到25節,chit節回應了第三十四章11到15節所預言ê,上帝beh揀選一位「像大衛ê君王出現」,這是因為大衛王hō͘人認為是上帝ê僕人(參考撒母耳記下三:18、七:8、列王記下八:19、十九:34,以賽亞書十一:1、10、三十七:35)。Tī上帝眼中,大衛ná親像好ê「牧者」仝款,會照顧上帝ê子民,而且會帶領chit群上帝ê子民「誠心遵行」上帝ê「律法」。而且chit位君王是會帶領人民永遠tòa tī上帝賞賜kā in賜福祖先「tòa過ê土地」上。

第26到28節,chit兩節koh一pái提起上帝kah以色列人民ê約外,mā用「同in tòa tī hia」chit句話來表示上帝以後be7 koh kah in分離。上帝會賜福kā in賜福,hō͘ in「人口增chē」,會「永享太平」,而且有上帝ê「聖殿永遠屹立tī in ê土地頂面」,這teh表示以色列人民代代kiáⁿ孫lóng會以敬拜上帝為榮譽。Chit時chūn,所有「列國就知影」,上帝已經tńg來到了以色列人民中間,「揀選以色列人民」做祂ê子民。

重新查詢 專卷研經 以西結書系列
錯誤回報,請聯繫comm[@]fhl.net