以西結書 31章1節 到 31章18節   背景資料  上一筆  下一筆
Chit章ê第2到9節是一首詩歌,先知以西結用香柏樹譬喻埃及,表示伊原本生做非常壯大、茂盛,甚至連伊甸園裡ê香柏樹mā不比它高、美麗,而且有各種動物來寄居其中。M̄-koh tī第15到18節講壯大ê香柏樹倒落來了,所有寄居tī其中ê lóng離開。M̄-koh續落來就講tio̍h埃及tùi siōng koân ê境界,瞬間受tio̍h非常嚴重ê創傷,然後墜落到非常深ê陰間去。Tùi第10到14節ê記載thang看出這壯大ê香柏樹(埃及)會án-ne倒落來,是因為它已經腐蝕(驕傲)à

第1節,先知以西結講chit pái上帝hō͘伊ê信息beh傳hō͘埃及王kah伊ê人民,日期是tī「流亡ê第十一年二月初五日」,這日期是tī主前587年6月21日。Mā是以西結書中第九個日期(參考一:2、八:1、二十:1、廿四:1、廿六:1、廿九:1、17、三十:20)。

第2到3節,「你像」chit-ê詞原希伯來文是「亞述」,亞述原本是主前第八世紀siōng強盛ê國家。M̄-koh後來就tī主前612年被巴比倫帝國消滅。現在用tī埃及身上,意思是「埃及像亞述」仝款,會hō͘巴比倫hō͘消滅。

Chia用「黎巴嫩ê香柏樹」來譬喻埃及,而且是一叢生做非常壯大ê香柏樹,用這來形容埃及ê國勢,是非常堅強有力。

第4到5節,chia講tio̍h埃及chit-ê國家有非常好ê條件,m̄-nā有「泉水」,mā有「地下腳ê水」,chiah-ê lóng teh表示埃及是一個水源充沛ê地區,因為án-ne,tī chit河流周圍ê樹木lóng生做非常茂盛,m̄-koh這棵香柏樹是生做「比其他樹高」、「枝子koh長koh密」。

第6到7節,「飛鳥」、「野獸」等飛禽行獸譬喻真chē小國,lóng是歡喜來依靠tī埃及ê庇蔭下生活,這mā是chia所講ê「列國tī樹蔭下安居」ê意思。因為這棵大ê香柏樹,確實生做非常茂盛,其樹根「深入地下ê水源」,這Tī一般人看起來是永久繁榮興旺ê保證。

第8到9節,「上帝園中」,這是teh指「伊甸園」,表示上帝對埃及有特別ê厚愛,hō͘埃及強壯到無tè比,連「松樹」、「楓樹」等lóng無法度kah它相比,chit種形容,主要teh說明埃及是大家歡喜寄居、經商á是交往ê國家。

「我hō͘它生做美麗,枝葉茂盛」,chit句話mā是chit首詩歌siōng重要ê一句,表示埃及之所以強壯,並m̄是家己有甚麼能力,卻是上帝ê作為,因為上帝特別疼它,m̄-koh這是beh hō͘埃及承擔責任,m̄是beh hō͘它囂張、誇耀家己。

第10到14節,chit節講出埃及會受tio̍h上帝懲罰ê原因,就是因為它「生做jú高jú驕傲」。上帝ê懲罰是:

一是kā它「交hō͘外來ê統治者」,這是teh指巴比倫帝國會來統治埃及。

二是統治者會用「phut倒它,棄sak它」,這等於是用重ê手phah埃及,án-ne「tī它樹蔭下khiā起ê各國人民lóng tio̍h離開」。

三是成做廢墟,結果是飛鳥kah野獸mā來chia歇腳kah「踐踏它」。

四是上帝bē koh再hō͘任何一個國家ē-tàng永垂bē朽爛,卻是lóng會像世間所有ê人仝款,會「進入陰間,kah死人同齊」。

第15到17節,chit段經文lóng teh說明埃及這棵大樹被丟入陰間後ê情形:

一是「地下腳ê水淹蓋」過它,chit種用詞lóng teh表示無koh有任何性命ê希望,因為無任何溪流ê水會流過其身邊。

二是「烏暗罩tiâu黎巴嫩山」,án-ne就bē koh再有陽光出現,原本綠蔭濃密ê香柏樹,會因為為缺少水ê滋潤、陽光ê照耀而「枯焦死」。

三是因為上帝chit種懲罰而「震撼列國」,過去已經丟入tī陰間ê lóng發出「歡喜」ê聲音。這表示無人會同情伊ê境遇ê意思。

四是過去寄居tī埃及「大樹」庇護之下ê國家、民族,taⁿ lóng會因為in過去藉勢殺害別人ê,taⁿ mā連帶受tio̍h懲罰,lóng tio̍h「被放ta̍k到列國」,表示成做奴隸被販賣到各國去。

第18節,「這棵大樹代表埃及王kah伊ê人民」,chit句話用來解釋頭前ê譬喻。

「不虔不敬」,表示無受過割禮者,á是心中無上帝ê。這說明無論是甚麼人,即使像埃及過去hit種有輝煌ê時代,mā lóng tio̍h受tio̍h上帝ê審判,無例外。

重新查詢 專卷研經 以西結書系列
錯誤回報,請聯繫comm[@]fhl.net