Chit章ê第1到19節經文繼續論到有關上帝懲罰埃及ê第三段，可惜chit段經文並無註明是tī甚麼時間宣告ê信息。不過tī第20到26節就有說明傳達信息ê時間，先知以西結使用隱喻，表明埃及teh對抗巴比倫ê攻打ê時，ná親像斷了一隻膀臂般hō͘不上力，結果埃及敗得koh khah慘。

Chit段經文論到埃及全國lóng tio̍h tú-tio̍h上帝嚴厲ê懲罰，列出真chē城市ê名，北tùi密奪到南部ê色弗尼lóng無一佳哉免得。

第1節，「上主koh對我講話」，tī tùi第1到19節ê chit段論到懲罰埃及ê經文中，每一個段落ê起頭lóng是用chit-ê句型，參考第1節、第6節、第10節、第13節等等。M̄-koh chia ê「koh」，是續接toh段信息，聖經學者一直有無仝ê意見。

第2到4節，上帝beh先知以西結講出「預言」，而且是beh大聲叫，表示上帝ê懲罰真嚴重ê意思。

「上主採取行動」，表示上帝ài beh進行審判。

「烏雲密佈、列國受懲罰」，表示m̄-nā是埃及受tio̍h懲罰，mā包含kah埃及聯盟ê其他國家、族群，如第5節所提起ê國家、盟邦。Á上帝懲罰ê方是就是用戰爭，而且是戰禍遍及埃及全地，koh khah悽慘ê是「全國被洗劫，夷為平地」，表示埃及所tú-tio̍h ê懲罰非常嚴重，差不多是徹底荒廢。

第5節，chit節提起幾個族群lóng有人被埃及雇用為傭兵，包括真早就移居tī埃及國內ê以色列人民在內。

第6到8節，「tùi北部ê密奪到南部ê色弗尼」，chit句話表示埃及全國ê意思。「所有保衛埃及ê人lóng tio̍h陣亡」，包括「埃及ê精銳部隊會hō͘消滅」，因為這是tùi上帝來旨意ê懲罰，所以無任何國家、人民ē-tàng抵擋得à。

第9節，原本「古實人」認為有埃及當其宗主國，in就ē-tàng teh過「安逸無慮」ê生活。M̄-koh現在in kā聽tio̍h上帝「派使者坐船去擾亂」in，表示in mā tòe「驚惶失措」，m̄知該怎樣辦chiah好。

第10到12節，chit段經文真清楚講上帝beh用巴比倫王尼布甲尼撒去「摧毀埃及ê財富」，而且伊ê軍隊teh攻擊ê時，手段是殘酷、「凶狠」ê，in會用「刀鎗攻擊」，則人民必定會喪命並且「橫臥全埃及」。換句話講，巴比倫軍隊入境埃及，m̄是只停留tī一城市á是某一個地區，卻是遍及埃及各地，無一佳哉免得。另外一方面，上帝同時進行ê懲罰，就是hō͘「尼羅河乾涸」，而這tú好打擊了埃及國王ê要害，因為伊bat驕傲地講尼羅河是伊ê，是伊造ê（參考以西結書廿九：3）。

「Kā埃及交tī邪惡ê人手中」，表示上帝用邪惡ê巴比倫帝國來懲罰邪惡ê埃及。Chia ê「邪惡」表示心中無上帝ê意思。

「外國人」，意思是teh指心中無上帝，á是m̄-bat上帝ê人。

第13節，「挪弗」，mā就是「孟斐斯」（Memphis），bat是古埃及ê首都，tī開羅以南大約二十四公里處。Chit-ê城ê人民敬奉「蒲伊」（Plah）chit-ê神明，認為chit-ê神明用它ê語言創造ê諸神，管理宇宙kah萬物。因為án-ne，tī埃及有真chē偶像神明，而人民mā歡喜崇拜chit位「蒲伊」之神。代表chit-ê神ê樣式是「牛」，in稱呼chit種牛神為「阿比斯」（Apis），這mā是為甚麼以色列人民行出埃及進入曠野後，á是念念無bē記得chit-ê「蒲伊」神，tùi án-ne造了一隻「金牛」來拜（參考出埃及記三十二：1—6），結果引起上帝極大ê震怒。

「無人統治埃及」，chit句話有兩種意思，一是teh指埃及國hō͘別人侵佔、統治。二是teh指國家已經滅亡à。

第14節，「埃及南部」，這是設tī尼羅河上游ê地區，當chit所在「荒蕪」，mā表示尼羅河乾涸à。

「火燒北部ê瑣安城」，這「瑣安城」mā就是「坦尼斯」（Tanis）。「火燒」瑣安城，表示hit-ê城會毀壞到寸草不留，完全荒蕪。

「懲罰首都底比斯」，chit-ê城做埃及首都ê時間真久，人民以敬拜日頭神「亞孟」（Amon）為主神。因為來chia朝聖ê民眾相當chē，因為án-ne mā帶hō͘此城相當chē財富。M̄-koh當上帝一出手懲罰，chiah-ê「財富」lóng kā遇tio̍h「摧毀」（參考第15節）殆盡。

第15到16節，「埃及siōng鞏固ê要塞—訓城」，tī尼羅河三角洲東部ê一座城，chit-ê城離地中海kan-taⁿ一公里遠而已，是重要ê軍事kah商業城鎮，mā是古代中東地區兵家必爭之地。現在上帝講beh「piàⁿ落」祂ê大受氣到hit-ê城，hō͘ hit-ê城「飽受災難」。

「底比斯ê城牆會被擊破」，tī第14節已經有提起上帝kā beh懲罰hit-ê城，tī第15節提起hit-ê城ê財富會hō͘摧毀，現在則講敵人會擊破城牆，「像大水仝款衝入城裡」，表示hit-ê城ê淪陷，人民kā因為án-ne而受盡被凌虐、屠殺、強暴，以及財產hông掠奪之苦。

第17節，「希利坡里城」，前者是tī開羅北pêng ê大約十公里遠ê所在，hit-ê城mā被稱做「日頭之城」，以崇拜日頭神「拉‧阿圖姆」（Re—Atum）為主。

「比伯實」城，這是tī開羅附近ê所在，以拜女神「貝斯蒂」（Bastet）為主。Mā是當時埃及kah附近國家朝聖ê中心城市。

M̄-koh這兩城ê青年人，為tio̍h beh抵抗巴比倫帝國ê入侵，結果因為無法度抵擋，致使「青年lóng tio̍h陣亡」，無死去ê mā lóng tio̍h「被俘」。

第18節，「答比匿」，chit-ê城設tī蘇伊士運河沿岸，bat是猶太人流亡到埃及時主要ê居所城市。

Chia ê「烏暗」、「密雲」等詞lóng teh表示性命面臨死亡ê危險，表示埃及teh beh面臨極大ê危險，人民可能會面臨受掠為奴ê結果。

第19節，上帝beh「懲罰埃及」ê原因，就是beh hō͘埃及國王知影，伊m̄是神，創造萬物ê上帝chiah是真神。