以西結書 28章20節 到 28章26節   背景資料  上一筆  下一筆
Chit段經文是描述上帝beh懲罰西頓chit-ê城。通常只要講到泰爾,就會連結西頓。因為chit兩個城市ná親像兄弟之邦仝款。Mā thang án-ne了解,只要是泰爾有做ê惡質行踏,西頓必定mā會發生。

最後一段話是關係以色列民族ê復興。Chit段結語siōng大ê特點,就是突顯出上帝對祂ê子民ê看顧kah愛。泰爾是永遠滅亡,m̄-koh相對tī以色列民族,上帝卻beh hō͘伊重新復興起來。

第20到21節,chia講上帝beh先知以西結用「責備」ê嚴厲語氣之方式對西頓人講話。

第22到23節,chia講上帝beh成做西頓人ê「對敵」者,當眾人看見上帝懲罰西頓ê時,lóng會「稱頌」上帝,因為大家lóng認為he是西頓人ê報應,mā是上帝公義ê審判,這mā顯示了上帝ê「神聖」,chiah會「施行懲罰」tī he作惡多端ê人ê身上。Á上帝懲罰ê方式,就是用「瘟疫」懲罰西頓城內ê人民,而城外則有來自「四面八方」ê敵人威脅會「刣滅」hit-ê城ê居民。

第24節,chit節提起以色列民族ê復興,過去hiah-ê看bē起、輕視伊ê國家、民族,taⁿ lóng m̄敢koh再「輕視以色列」à。

第25節,上帝teh-beh伸手kā被「放ta̍k」到各國去ê以色列人民「領tńg來」到上帝賜hō͘「僕人雅各ê土地」,這清楚表明上帝kah以色列民族之間有特別ê關係。

第26節,以色列人民kā ē-tàng「安居樂業,建造房屋,開墾葡萄園」有安定ê生活,bē koh受到外族入侵ê威脅。因為上帝伸手「懲罰輕視以色列ê鄰國」,án-ne,以色列人民就ē-tàng teh過「安全」無慮ê生活。

重新查詢 專卷研經 以西結書系列
錯誤回報,請聯繫comm[@]fhl.net