以西結書 27章26節 到 27章36節   背景資料  上一筆  下一筆
Tī前段真詳細地記落來泰爾ê興盛之樣,chit段卻講chiah-ê繁華ê景象,lóng會成做過去,因為泰爾會受tio̍h上帝嚴厲ê懲罰kah打擊,而且hō͘伊就án-ne跋一下peh bē起來。

第25節b句tú好回應了上一句ê泰爾ná親像一艘艘ê「大船」,船頂「滿滿地裝載了」來自各國、各地進行貿易ê貨物,「航行」tī大海上。顯示出泰爾ê繁榮,khah贏過任何其他ê地區、國家。

第26到29節,真清楚講tio̍h雖然像大船,不過上帝出手一擊,就全部崩垮瓦解。「外洋」,表示深海ê所在。「東風」,這一向是上帝懲罰ê方式。現在上帝決定beh懲罰泰爾,因為án-ne,吹起了東風打擊海面。Chia ê「東風」,mā thang代表「巴比倫帝國」,因為伊tī東pêng。Á無論jōa大ê船隻,只要tú-tio̍h上帝懲罰ê東風,所有ê一切lóng kā「沉到海底」,m̄-nā是船頂ê貨物,mā包括「木匠kah商人」、「軍人」,以及船頂所有ê人員,就算是「海員kah舵手」mā無法度佳哉免得而且無論in怎樣「呼救」,mā是無啥路用。Hiah-ê tī岸邊看見船隻遇難ê海員kah舵手原本想beh下水去救助,m̄-koh實在是無法度接近遇難ê船隻,因為海上颳起ê東風所造成ê風湧實在是siuⁿ大了,最後只好上岸來,只thang hō͘船隻沉無落去。

第30節,「掖塵埃tī頭殼頂,tī灰中phah滾」,chiah-ê tī岸上ê海員kah舵手,看tio̍h船難就發生tī in目睭前,mā只有ē-tàng用chit種方式來表示in心中ê艱苦心「哀悼痛哭」。

第31節,thang參考第七章18節。

In哀悼痛哭ê方式,ná親像厝內至親ê人往生hit種。In用「剃光頭,穿喪服」舉哀,mā表示in kah泰爾這國家ê關係密切。

第32節,這是一首輓歌,主要tī哀悼被毀滅ê泰爾chit-ê國家、城市。Chit段哀歌mā thang參考第廿六章17到18節。

「toh一座城ē-tàng kah泰爾相比」,chit句話清楚說明泰爾過去ê繁榮景象,大大超過任何城市邦國。

「沉無tī海底ê泰爾」,因為是沉無tī海底,mā teh表示孤獨,無koh有任何聲音出現。過去in bat是每工歌舞昇平ê繁榮城市,現在已經今非昔比,大無相仝à。

第33到34節,是對應句型。

當過去平順ê時,因為航運、商業鼎盛,為統治者「君王」帶來大筆財富,而且來chia進行貿易ê國家lóng得tio̍h真koân ê利益。Taⁿ ê泰爾盛況無koh,原因是泰爾ná親像一艘大船遇tio̍h大「海難」仝款,沉無到「海底」下,m̄-nā「貨物」盡失,連所有過去óa靠這大船生活、工作ê人mā lóng「消失tī海中」。

第35到36節,「群島」,這是teh指過去來chia進行貿易ê國家,in看tio̍h泰爾chit種結局lóng大感「大tio̍h驚」,連「君王mā lóng驚惶」到m̄知如何是好,而「顯露愁容」,因為m̄知koh來tio̍h怎樣辦,甚至會驚惶接落來自己mā會「遭遇」到「仝款ê運命」。
 

重新查詢 專卷研經 以西結書系列
錯誤回報,請聯繫comm[@]fhl.net