以西結書 27章10節 到 27章25節   背景資料  上一筆  下一筆
Tùi第10節開始,chit段經文講tio̍h泰爾因為商業發達,經濟能力真強,因為án-ne,雇用外籍兵團為伊防衛。Chit段經文mā同時描述泰爾tī商業貿易上繁榮ê景象。Chia m̄-nā列出一連串ê地名,而且mā lóng kā chiah-ê地區kah泰爾貿易ê貨物名稱列出來,表示泰爾確實是kui個中東地區ê貨物集散地,á是貿易中心。這mā說明為甚麼當耶路撒冷被破壞、摧毀ê時,泰爾人會歡喜拍手叫好,講in koh khah án怎都無競爭對手了(參考廿六:2)。

第10到11節,特別清楚講tio̍h泰爾雇用來自「波斯、呂底亞,和弗ê傭兵」teh防衛hit-ê城。Á「亞發」kah「西頓」lóng是出「掌舵」ê高手。因為án-ne,tùi「亞發」雇用掌舵高手來泰爾守衛城牆,因為án-ne,若想beh入侵chit-ê城市,就一定tio̍h透過船隻,而駕駛船隻就一定tio̍h是掌舵能力強ê人才有贏面。這說明泰爾有真強ê海軍teh防衛國家安全。

「迦瑪底」,chit-ê詞表示軍隊ê意思。意思是teh指chiah-ê外來ê軍團lóng真盡心地teh替泰爾守護城牆。所謂「盾牌掛tī你ê牆上」,表示一種武力ê象徵,無敵人敢來侵犯。因為án-ne,hō͘泰爾人lóng thang高枕無憂,是因為它ê經濟能力真強,無論tī toh方面lóng成做附近國家所羨慕ê對象,對它讚譽有加,講它是一個「十全十美」ê城市。

第12到24節,描述泰爾人所交易ê對象遍及世界各地。而且買賣ê物件lóng是貴重,而且是非常重珍貴ê物件,chiah-ê包括象牙、紫色布、香料、珠寶、金、綠寶石、高級香料等等,同時mā有戰爭物資ê戰馬、馱馬,kah騾子等。

第25節a句,chia講泰爾「用siōng大商船ê船隊裝運貨物商品」,chit句話說明泰爾ê港口有真好ê條件,chiah hō͘它tī航運kah貨物ê吞吐量上,確實真大,這mā顯示出伊tī當時ê中東地帶,差不多lóng無對手thang比。

重新查詢 專卷研經 以西結書系列
錯誤回報,請聯繫comm[@]fhl.net