以西結書 27章1節 到 27章9節   背景資料  上一筆  下一筆
Chit章是一篇篇幅甚長ê哀歌,是繼續teh描述第廿六章所提起上帝kā嚴懲泰爾chit-ê國家。因為泰爾有兩個港口,其一是tī北pêng ê天然港口,另外一則南邊ê人工港,這mā是泰爾之所以繁榮ê因素,因為有兩個港口吞吐貨物,mā hō͘伊成做地中海非常重要ê貿易商港重鎮。Chit章就是用航海船隻來來往往ê變化來譬喻泰爾tùi興旺到沒落,終到毀滅之景象。

Chit段經文是teh描述泰爾過去繁榮ê景象,m̄-nā有來往各地ê船隻停泊tī其港口,而且來往交易ê商家lóng是屬tī上流階級。

第1到2節,這是chit章詩篇ê起頭序言,主要目的是為泰爾「唱輓歌」。

第3到4節,凸顯了泰爾這國家經濟興旺ê景象,有「真chē海島國家貿易ê商埠」設立tī chit國家,因為án-ne,它「誇耀家己是十全十美ê城市」,因為它是一個海口城市,因為án-ne,「以海為家」,表示泰爾ná親像一艘航行tī海上ê船隻般,kui個城市ná親像一艘「被造得美侖美奐」大船仝款。

第5到9節,chit段詩歌是tī回應第3節所提起ê「十全十美」,kah第4節所講ê「美侖美奐」之情景。Chit段經文提起ê建材lóng是當時siōng上等ê材料,m̄-koh mā thang看出泰爾chit-ê城市非常奢華。它ê建材包括有「烏門山ê松樹做柴板」,以及「黎巴嫩ê香柏樹做船桅」,koh有「巴珊ê橡樹做槳」,以及用「基提ê松樹鑲嵌tio̍h象牙做甲板」,加上它ê帆是用埃及進口ê「繡花麻紗製成」,而它ê蓬是「tùi以利沙島運來ê紫色布 」製成等, m̄-nā án-ne,in iáu聘請「西頓人、亞發人」划槳,然後有本地ê高手「掌舵」,而且有「迦巴勒來ê老手」木匠雕琢該船等等,chiah-ê描述lóng thang看出泰爾城市ê奢華情景。

重新查詢 專卷研經 以西結書系列
錯誤回報,請聯繫comm[@]fhl.net