出埃及記 38章8節 到 38章20節   背景資料  上一筆  下一筆
Chit節特別提起銅盆是用「眾婦女所用ê鏡子造成ê」。Tī第三十章17到21節mā有記載,而且koh khah詳細。

原因是古早時婦女用ê鏡子是銅鏡,因為án-ne取chit種材料製造銅盆。Chit-ê銅盆ê主要功用,是提供祭司tī獻祭chìn前洗腳手,án-ne,in踏上祭壇、接觸祭物,就bē因為腳手不清氣,á玷污了祭壇kah祭品。

Chit節真清楚講chiah-ê銅材是取自「tī聖幕前事奉ê眾婦女所用ê鏡子造成」,á照民數記第四章30節ê記載,tī聖幕裡工作ê人,lóng hit年滿三十歲以上ê cha-po͘人chiah thang。不過若是對照撒母耳記上第二章22節有記載tī聖幕前工作ê人mā有婦女,卻没有資料講chiah-ê婦女是做些甚麼工作。

Chit段經文是關係聖幕圍欄ê製造方式,mā記載tī第廿七章9到19節。
第9到13節,tùi chit段經文來看,就會看出chit座聖幕ê外圍欄是長方形ê,南kah北兩pêng比較長,lóng是四十四公尺,á物件邊比較狹窄,lóng是廿二公尺。支撐chiah-ê圍欄ê帳帷lóng是用銅座,柱á頂ê鈎子kah桿子是用銀ê材料,án-ne kā圍牆ê帳帷支撐起來。第13節提起聖幕ê進口處tī東邊,這就是聖幕ê大門進口處。

第14到20節,聖幕ê東邊有進口處,進口ê所在有門簾,門簾ê顏色顯示出尊貴,是用藍色、紫色、深紅色ê羊毛織成。

讀tio̍h chia,thang理出一個頭緒來,聖經作者講tio̍h kui個聖幕ê時,是先tùi siōng內面ê約櫃開始,然後依序是供桌、燈臺、香壇、銅盆(洗滌盆)、燒化祭壇等,然後siōng外面用圍欄圍起來,以隔絕裡外。

重新查詢 專卷研經 出埃及記系列
錯誤回報,請聯繫comm[@]fhl.net