出埃及記 26章1節 到 26章6節   背景資料  上一筆  下一筆
是關係「聖幕」製造ê細節。「聖幕」是teh指「上帝ê居所」。因為以色列人過遊牧生活,搭帳棚是in khiā起ê方式。因為án-ne,chia ê「幕」,指ê就是帳棚。
整座「聖幕」siōng主要ê功用是當做上帝kah人「相會」ê所在(參考廿五:8),á m̄是人kah人相處、會面ê所在。這kah今á日蓋禮拜堂ê用意真無仝款。

基本上,「聖幕」分做兩個主要部分,一是到聖所,另外一個是聖所。中間用繡有基路伯圖案ê帳帷掛起來當做區隔(參考第33節)。

第1到2節,先講tio̍h「帳帷」,這帳帷繡有基路伯ê圖案,表示kui個聖所是由上帝ê奴僕基路伯teh看守。Koh講,毛線tio̍h染成藍色、紫色、深紅色等,chiah-ê色彩lóng是非常貴重ê,特別是紫色, tio̍h採集chit種色料,明明是難上加難。

第3到6節,講tio̍h「五」、「五十」。Chiah-ê數字表明ê是完美、好、齊全。Á「十二」代表ê是以色列民族十二個支派。

重新查詢 專卷研經 出埃及記系列
錯誤回報,請聯繫comm[@]fhl.net