出埃及記 22章1節 到 22章15節   背景資料  上一筆  下一筆
Chit章ē-sái講是繼第廿一章12節後面ê賠償條例,chiah-ê條例lóng kah人kah人之間ê財物互動á是糾紛有關。

Chit段經文siōng大ê特色就是「如果」chit-ê詞,它代表ê是「無一定」。Mā就是有相對條件ê狀況chiah ē-tàng成立。

第1到4節,是繼續第廿一章28到36節,有關損害牛隻、人á是物ê賠償條例。Chia提起「偷」,是teh指違背十誡ê第八誡之「bē-tàng偷the̍h」,kah第十誡ê「bē-tàng貪」。一定tio̍h賠償「五倍」ê牛,「四倍」ê羊,這lóng是非常重ê賠償代價。特別是賠償牛ê代價koh khah重,因為牛m̄-nā tī宗教祭祀禮儀上有價值,tī種作上koh khah是重要ê動力來源。若賠償不起,就beh用當「奴隸」ê代價來兌換。

注意第4節提起,若夜間侵入別人厝裡,tùi án-ne被刣死,殺伊ê人無罪。因為無清楚侵入者手上是m̄是有凶器,m̄-koh tī日時頭就需要負起刣死人ê罪責。

第5到6節,提起造成別人ê田園損害,應該有ê賠償條例。無論chit種損害是來自牛羊等動物,á是燒田園刺phè造成別人田之損害,賠償是無法度減免ê。

第7到8節,tùi chit兩節mā thang看tio̍h早期社會已經發展出「信託」ê社會制度。注意第8節、第9節,kah第11節等等,lóng提起tī糾紛發生ê時,「一定tio̍h敬拜ê場所chiù-chōa」,tī中文《和合本》聖經是用「審判官」,意思是仝款ê。因為敬拜場所指ê是用上帝做中心ê所在。審判官乃是teh替上帝施行公義ê審判。無論是審判官,á是敬拜上帝ê所在,其所面對ê lóng是上帝對人內心ê鑒察,bē-tàng造假。

第9節,講tio̍h財產ê糾紛案,一定tio̍h尊重裁判者ê判決。

第10到13節,講tio̍h家畜動物ê託管問題。除非有人thang來證明保管者是tī無法度抵抗之下,親像有搶匪來奪取,á是野獸吞食之chhun落來骨骸等造成ê損失,若無保管者就一定tio̍h賠償。

第14到15節,借用物件造成損害ê賠償條例,有主人在場,thang m̄免賠償,m̄-koh主人不在場,就需賠償,賠償ê時thang tùi租金中扣除。

重新查詢 專卷研經 出埃及記系列
錯誤回報,請聯繫comm[@]fhl.net