出埃及記 13章11節 到 13章16節 背景資料 上一筆 下一筆 |
Chit段經文應該編輯tī第1到2節後面,讀起來會比較順暢。Lóng是講tio̍h有關大kiáⁿ kah頭胎牲畜獻hō͘上帝ê規律。 第11到12節,chit句「上帝向以色列人民祖先chiù-chōa」,thang參考創世記第十二章4到7節。Chia特別說明「迦南地」,意指肥流奶kah蜜之地。Mā thang當做上帝賞賜ê土地,有上帝看顧保守。 第13節,chia提起「贖tńg來公驢」,因為這是真重要ê交通工具,贖tńg來ê方式thang用小羊去換。Ná親像大kiáⁿ thang用五塊銀á tùi利未人贖tńg來做代價。 第14到15節,koh一pái提起tio̍h教導kiáⁿ孫認bat chit件事ê重要性,mā是一種歷史ê傳承教育。獻大kiáⁿ kah埃及人喪失大kiáⁿ相對照,mā順此說明上帝救恩ê意義。 第16節kah第9節仝款,lóng是為tio̍h beh謹記以色列人ē-tàng出埃及,乃是因為上帝施大能ê手chiah有ê結果,一定tio̍h感謝上帝。 |