出埃及記 1章8節 到 1章14節   背景資料  上一筆  下一筆
Chit段經文提起一個重要ê改變,就是埃及出現新ê王,chit-ê王決定改變國家政策,tùi過去對以色列人民ê友善,到chit-má變成仇視。

第8節,thang講是非常重要ê一節,因為chit節講出kui個出埃及故事ê主要因由,就是chit-ê新繼任ê王「對約瑟ê事lóng無所知」。Chit-ê新ê王是甚麼人?有可能是一位非tùi世襲繼承落來ê新王。Chit時ê以色列人民tī埃及已經khiā起大約長到四百年左右,經歷過真chē世代。

「伊對約瑟ê事lóng無所知」,chit句話至少講出tī埃及已經無koh有人講tio̍h約瑟治理埃及王國ê歷史事件。

第9到10節,chit-ê新王認為以色列人民jú來jú chē對埃及生存造成威脅。特別指出萬一有戰爭ê事發生,以色列人民若是kah外族人聯合起來,無論逃離á是控制tio̍h埃及,會hō͘埃及淪陷成做奴隸。因為án-ne,伊認為應該「設法阻止」以色列人民「增加人口」作政策轉變ê第一步。

第11到14節,除了控制人口增長外,chit-ê埃及國王續落來壓制以色列人民,hō͘ in tùiteh過特別好ê生活,開始變成「苦工」、「奴役」,用chit種方式抑制以色列人民日漸壯大ê勢力。第11節「當做國王ê補給中心」,mā thang看做是「指揮中心」。

重新查詢 專卷研經 出埃及記系列
錯誤回報,請聯繫comm[@]fhl.net