申命記 5章1節 到 5章22節   背景資料  上一筆  下一筆
Tùi chit章到第六章,這兩章ē-sái講是kui本申命記ê中心經文,強調以色列人民如何在何烈山山腳kah上帝所立ê約。

第五章所記載ê內容thang tī出埃及記第二十章看tio̍h,而且差不多是仝款ê內容。M̄-koh如果詳細比較一下,就會發見十誡ê第四誡有關遵守安息日ê規定,就是beh遵守安息日ê原因已經有明顯ê差別。而且tī第十誡貪戀別人ê物,tī chia kā「bó͘」pái tī第一位,tī出埃及記則以「房屋」為優先。

Chit段經文thang對照出埃及記第二十章1到17節來看。Tī出埃及記是西奈山,tī chia是何烈山。

第1節,這是頒佈十誡ê序言。m̄-nā beh以色列人民「注意聽」,而且tio̍h「學習,並且切實遵守」。Mā只有án-ne,誡命chiah會有意義。

第2到5節,chia表示chit-ê誡命kah頂pái ê誡命,是仝款ê,m̄-koh對象是無仝ê;頂pái ê對象是離開埃及ê以色列人民,chit-má是當年離開ê人ê kiáⁿ孫,mā就是chit-má存活ê對象。

第6到21節,這是十誡ê內容。主要ê差別tī第四誡有關守安息日ê原因,tī出埃及記強調tio̍h遵守安息日,是因為上帝「因為六日內,上主創造天、地、海kah hit 中間ê 萬物,第七日就歇睏,所以上主賜福tī 安息日,設立它做聖。(全民版)」(出埃及記二十:11)á tī申命記則強調遵守安息日是為tio̍h ài in記tiâu「你mā tio̍h 會記得你以前tī 埃及地做奴僕,上主— 你ê 上帝用大權能ê 手,伸出來ê 手骨,chhōa你tùi hia 出來,因為án-ne,上主— 你ê 上帝命令你tio̍h 守安息日。(全民版)」(本章第15 節)這就在內涵上有明顯ê無仝。這mā表示申命記ê十誡已經tùi出埃及後ê時代背景,轉移到進入迦南地後,tī安定而且富裕ê物質生活中,以色列人民漸漸疏忽了上帝語,尤其tī經濟發達ê社會生活中,安息日無koh是歌頌、o-ló上帝ê日子,反tńg是koh khah無閒tī經濟活動,這mā是先知耶利米bat傳出上帝嚴厲ê警語,ài in收斂,確實遵守安息日做聖日,若是不聽,上帝一定會hō͘ in淪亡(參考耶利米書十七:21—24),á chit項事果然分別tī主前721年,北國以色列被亞述帝國所滅,á南國猶大則tī主前586年被巴比倫帝國所滅,人民lóng被販賣á是hông掠去做奴隸。因為án-ne,遵守安息日,是teh強調ài會記得上帝大能ê手kah拯救ê恩典。Mā thang án-ne了解:申命記有相當chiok厚ê tùi受掠之地tńg來國內ê時代背景,chit段十誡就是tī chit-ê背景下,重新強調遵守安息日chiah是保存kui個民族命脈ê重要力量。

Koh講,tī第21節ê第十誡命kā「m̄-thang貪戀別人ê bó͘」,排tī「房屋」ê頭前,這kah出埃及記kā「房屋」排tī「bó͘」chìn前,mā有無仝ê意義。顯然地,進入迦南地後,in已經有土地kah khiā起之地,m̄-koh,koh khah khah強調倫理道德,to̍h是人kah人之間,左鄰右舍ê互動關係,kah對財產ê尊重是同等重要。這mā thang看出chit段十誡是khah晚期ê作品。

第22節,chit節強調上帝只頒佈這十誡,無其他ê。並且chit-ê誡命是刻tī「兩塊石版上」交hō͘摩西頒佈hō͘以色列人民去遵行。



重新查詢 專卷研經 申命記系列
錯誤回報,請聯繫comm[@]fhl.net