申命記 4章41節 到 4章49節 背景資料 上一筆 下一筆 |
摩西勸勉á是講道ê內容,就tī第40節告一個段落。然後tùi第41節起,是另外一個段落。Chit段落thang分做兩部分,一是講tio̍h有關庇護城ê事,第二部分koh一pái講tio̍h頭前已經敘述過ê歷史。 第41到43節,這是有關庇護城ê事,tī民數記第三十五章1到15節有記載。總共是六座,其中三座tī約旦河東邊,另三座是tī迦南地。申命記特別提起ê是三座設tī約旦河東邊ê城,就是呂便、迦得、瑪拿西等三族所分配到ê城市,in三族lóng是tī河東定居ê支族。 第44到49節,摩西頒佈chiah-ê律法ê背景,是tùi出埃及到kui個族群移動到約旦河東岸之地ê時,tī chit期間所頒發hō͘以色列人民ê。這ná親像tī第一章5節所講ê仝款,beh講述chiah-ê律法來源ê背景。另外mā koh再敘述一pái目前in tī東岸所佔領土地ê範圍。 |