申命記 4章1節 到 4章14節   背景資料  上一筆  下一筆
Chit章ē-sái講是一篇摩西重要ê「講道篇」,tùi第1到40節,是整篇講道ê中心信息,主要內容是teh講述以色列人民kah上帝之間所立之約ê意義。Kui章lóng tī說明上帝是一個遵守諾言ê上帝,因為án-ne,以色列人民應該遵守上帝,確實照kah上帝所立之約,kah祂ê教導去遵行(第2、6、13、14、23、40節),並且iáu beh kā chit種信息傳hō͘下一代kiáⁿ孫(第9到 10節),hō͘以色列人民永遠lóng會記得祖先kah上帝所立ê約(第23、31、40 節)。

Chit段經文雖然開始是講「我」,m̄-koh tio̍h注意第2、5節就清楚表示chiah-ê教導lóng是上帝ê旨意。摩西表示伊教導以色列人民ê,lóng是照上帝ê指示講ê。

第1到4節,勸勉以色列人民一定會遵行上帝ài摩西傳授hō͘以色列人民ê誡命,特別指出上帝bat kā hiah-ê去透過拜巴力偶像神明ê以色列人民hō͘消滅à。有關chit件事,thang參考民數記第廿五章1到9節。

第5到6節,以色列人民一定tio̍h頂真持守上帝ê律法誡命,透過in所遵守ê律法誡命,hō͘外國人了解in之所以有聰明智慧,是因為in遵行上帝律法誡命之故。

第7到10節,摩西真清楚kā以色列人民講,從來m̄-bat有任何一個國家、民族ê宗教之神,親像上帝kah祂ê子民án-ne親近,而且所教導ê律法是án-ne公正,á這律法誡命是tī「何烈山山腳」頒發hō͘以色列人民ê,當時in ê頂一代lóng親目看tio̍h,甚至chit-má tī in中間有人小時候mā bat親身體驗過,摩西ài in Kā chit種親身ê體驗教導家己ê kiáⁿ。

第11到14節,chit段經文thang參考出埃及記第十九章18節、第二十章18、21節、第廿四章17節等等,lóng有描述上帝出現ê時,雲層密佈、雷電交加。Á誡命是寫tī兩塊石版上,並且ài以色列人民確實遵照誡命之教導去遵行。

重新查詢 專卷研經 申命記系列
錯誤回報,請聯繫comm[@]fhl.net