申命記 32章15節 到 32章33節   背景資料  上一筆  下一筆
Chit段詩歌講出以色列人民是一個忘恩負義ê民族,認為家己ê強壯是出tī家己ê能力,竟然棄sak了拯救in出埃及ê上帝,去拜hiah-ê以in家己ê手所雕刻出來ê偶像神明,這是致使上帝大發受氣ê主要原因。

第15到18節,chit段詩歌真具體指出以色列人民犯了上帝siōng受氣ê事,就是富裕起來就bē記得賞賜hō͘ in富足ê上帝,去拜假神,á chiah-ê假神lóng是in ê祖先從來m̄-bat,mā m̄-bat驚惶過ê。

第19到22節,chit段詩歌講上帝受氣à;祂受氣ê方式,就是無koh承認以色列人民是家己ê子女,另外就是用m̄是上帝所揀選ê子民來侵犯in,chiah-ê族群kā ná親像怒火燒仝款來到以色列人民中間。

第23到25節,上帝懲罰以色列人民ê方式,就是戰爭、iau餓kah瘟疫,chit種懲罰mā是先知耶利米一再警告過ê事(參考耶利米書十八:21、廿一:7、9、廿八:8),結果原本強壯ê以色列民族,因為án-ne soah衰弱落來。

第26到33節,chit段詩歌講出上帝原本thang hō͘以色列人民tùi án-ne滅亡,m̄-koh祂無bē記得kah以色列人民ê約,因為án-ne,m̄ hō͘別人來消滅in,卻是親手懲罰in。Á上帝懲罰ê方式之一,就是無koh庇護in,hō͘ in失去力量,hō͘ in tam-tio̍h性命ê苦味。M̄-koh因為上帝實在太疼以色列人民,因為án-ne,chia雖然講是tī懲罰in,實際上iáu是顧念in kah上帝ê約,因為án-ne上帝iáu是會留落來「餘民」來繼續「約」ê記號,chit點tú好是先知運動中siōng主要ê信息(請參考以賽亞書十一:11、三十七:31,耶利米書廿三:3, 彌迦書:七:18,撒迦利亞書八:11—12)。

重新查詢 專卷研經 申命記系列
錯誤回報,請聯繫comm[@]fhl.net