申命記 27章11節 到 27章26節   背景資料  上一筆  下一筆
Chit段經文是禮拜儀式,由祭司大聲宣布誡命ê內容。其方式是現今台灣基督長老教會tī禮拜中siōng常使用ê「啟應文」。由主領者用「啟」,參與者「回應」。Chia是主祭者kā誡命一一唸出,然後以色列人民一定tio̍h大聲回應講:「阿們。」此句「阿們」ê意思是:這是我心所願意接受ê,mā thang講「這是我用誠實ê心所講」。

第11到14節,chia講以色列人民tio̍h分做兩pêng,用chit種相對應ê方式,mā ē-sái講是面對面。值得注意ê是,若提起雅各ê十二個kiáⁿ,就有利未kah約瑟,m̄-koh若是提起以色列十二支派,就用以法蓮kah瑪拿西chit兩個支派來取代利未kah約瑟。M̄-koh chia真特別提起ê名是teh指雅各ê kiáⁿ,無用支派ê名稱。Koh講,kā chit十二個支派分做兩組分別khiā tī兩pêng山頂成相對應ê方式。Chia mā提醒in祝福kah詛咒,lóng是kah上帝之間有約ê關係。

第15節,這是十誡ê第二誡。

第16節,這是十誡ê第五誡。

第17節,thang參考第十九章14節。這kah第八誡ê bē-tàng偷the̍h有關係,mā kah第十誡ê禁止貪心有關。

第18節,thang參考利未記第十九章14節。「故意」表示明知故犯,是違背聖潔子民應該有ê基本態度。Chia強調引領盲人誤入歧途,是非常不應該ê行為。

第19節,thang參考申命記第十章18節、第廿四章17節等等。絕對bē-tàng欺負貧困ê人。

第20節,thang參考第廿二章30節,利未記第十八章8節。這是禁止淫亂,特別是亂倫ê行為。

第21節,thang參考出埃及記第廿二章19節,利未記第二十章15節等等。這是teh指無正確ê性行為,mā顯示tī迦南地ê宗教信仰中有chit種行為出現,而且敬拜ê對象mā有kah獸類雜交ê行為,chiah-ê lóng列為禁止要件。

第22節,thang參考利未記第十八章9節、第二十章17節等等,這是禁止亂倫行為。

第23節,thang參考利未記第十八章17節、第二十章14節等等,mā是屬tī亂倫ê行為。

第24節,這是十誡ê第六誡。Mā thang參考出埃及記第廿一章14節。

第25節,thang參考申命記第一章17節、第十六章19節等等,另外thang參考出埃及記第廿三章8節,利未記第十九章15、35節等等。

第26節,chit節是頂面所講詛咒誓約ê結語,表示全部遵守頂面所講宣佈ê約定。所有頂面所講ê宣言lóng用「阿們」來回應,以表示誠心誠意地遵守。

重新查詢 專卷研經 申命記系列
錯誤回報,請聯繫comm[@]fhl.net