申命記 17章14節 到 17章20節 背景資料 上一筆 下一筆 |
Chit段經文真重要,講tio̍h tī新ê國王出現了後,應該tio̍h幫助chit-ê新ê王謹守上帝語治理國家。 第14到15節,chit兩節thang參考撒母耳記上第八章4到22節,以色列人民後來要求先知撒母耳替in選立君王來統治in。先知撒母耳詢問上帝,上帝同意in,ài撒母耳去膏立以色列人民歷史上第一位君王掃羅。Chia規定選立ê國王,一定會tùi以色列人民中間選立出來,bē-tàng選外族人。因為選外族人,就表示in hō͘人統治,m̄是獨立自主ê人民。 第16到17節,chia限制國王ê財富,免得君王因為擁有真chē財富á欺壓人民,á是變成喜好窮兵黷武,不管人民死活。 第18到20節,chit三節siōng重要,說明一個國王謹記上帝,比甚麼lóng重要。因為án-ne,祭司有責任「抄寫一份上主ê律法」hō͘國王,á國王若知ài kā上帝ê話之冊卷khǹg tī身邊,隨時研讀,切實遵行,án-ne就bē因驕傲á做出違背上帝旨意ê事。 |