申命記 11章26節 到 11章32節   背景資料  上一筆  下一筆
Chit段經文ē-sái講是第一到十章ê結論。摩西講這是關係生kah死ê選擇,是祝福kah詛咒間ê選擇。遵守上帝,就是帶來祝福,相對ê,是為家己帶來死亡(詛咒)。

第26到28節,chit三節講出祝福kah詛咒之間ê差別;祝福,是遵行上帝ê一切誡命。詛咒,就是相對tī祝福,無kā上帝頒佈ê一切誡命落實出來。

第29到30節,「基利心山」,這是古代示劍城西北約三公里ê所在。Chia mā是撒馬利亞人一再強調ê,是亞伯拉罕kā以撒獻祭ê阿摩利山(參考創世記廿二:2)。因為án-ne,in一再強調tio̍h敬拜上帝,就一定tio̍h tī chit所在(參考約翰福音四:20)。Á北面就是「以巴路山」,兩處tú好相對,形成一個峽谷,成做siōng容易防守ê軍事要地。摩西bat吩咐以色列人民,當in pôaⁿ過約旦河ê時,beh khiā立一座記念碑tī chit-ê座山頂,tī碑ê頂面塗上石灰。摩西講當進入迦南地了後,就用這兩座山,講出祝福kah詛咒,表示用這兩座山當做儆醒ê記號。若是以色列人民一直堅守kah上帝ê約,確實遵照上帝去行,就會看tio̍h上帝賜福ê恩典,若無,就會看見敵人進入以巴路之地,á這就是詛咒ê開始。

第31到32節,chit兩節就是總結:遵守上帝,就ē-tàng tī佔領ê迦南地永久生存落去。

重新查詢 專卷研經 申命記系列
錯誤回報,請聯繫comm[@]fhl.net