但以理書 5章1節 到 5章12節   背景資料  上一筆  下一筆
開始又koh是另外一個王朝ê背景,無koh是頭前四章lóng是以尼布甲尼撒王時代為背景寫出來ê故事,chit章是以尼布甲尼撒王ê kiáⁿ伯沙撒繼承王位了後ê背景寫出來ê。

    其實尼布甲尼撒王並無名叫伯沙撒ê kiáⁿ,chit位名叫伯沙撒ê王,可能是尼布甲尼撒王ê姪á。亞蘭文ê「kiáⁿ」mā thang被當做是「孫á」á是「kiáⁿ孫」,mā thang當做是「財產繼承人」解釋。因為án-ne,有可能是因為伯沙撒ê媽媽乃是尼布甲尼撒ê cha-bó͘-kiáⁿ,若是án-ne,則伯沙撒乃是尼布甲尼撒王ê孫á,這就符合這亞蘭文字「kiáⁿ」ê意思à。

	不過,作者tī歷史資料上án怎講述歷史史蹟並m̄是chit本經冊ê主要目的,作者siōng重要ê乃是beh說明以色列人民久長以來貫有ê思想:統治者ê權柄tùi上帝來ê賞賜(參考羅馬書十三:1—2),若無以慈愛來治理人民ê君王,lóng bē是上帝所祝福kah歡喜ê對象;而設若一個君王只知影謀財奪利,卻對人民生活ê苦難不聞無問,chit種君王乃是上帝所討厭ê,必定hō͘上帝所棄絕。

	因為án-ne thang tùi chit種背景來瞭解:作者想beh kā當時tī波斯帝國安提阿哥四世統治下受苦ê猶太人講免擔心,上帝一定會真緊to̍h廢除施暴tī猶太人ê安提阿哥四世。因為真正有權威ê君王lóng m̄是伊家己有甚麼能力,卻是上帝賞賜hō͘伊有機會代理管轄上帝ê子民,若無上帝ê允准,任何統治者lóng bē hō͘上帝所祝福,因上帝chiah是咱性命ê主、統治者。

    Chit段經文描述chit位伯沙撒王因為kā in父親tùi耶路撒冷聖殿所掠奪來ê戰利品,teh宴請賓客ê時當做飲酒作樂ê器皿,同時歌頌用金銀銅鐵等材質所鑄造ê神明。結果宮廷中出現異象,所有ê術士、巫師lóng無法度看bat異象而感覺非常驚恐。後來因為太后知影但以理有chit種能力thang解開異象ê意義,而向伯沙撒王kah大臣建議請但以理來解開異象。

    第1到4節,chia講有「有一工暗時,伯沙撒王邀請一千名大臣來參加盛大ê宴會,lim酒作樂」,這ē-sái講是宮廷大事,文武百官lóng會出席聚集。為tio̍h beh增加宴席歡樂ê氣氛,伯沙撒王命令人kā in父親tùi耶路撒冷聖殿掠奪而來ê聖物lóng搬出來展示,而其中有kóa器皿當做lim酒作樂ê杯碗,另外有kóa器皿已經被改造成偶像神明。這表示in對耶和華上帝極度ê侮辱。

    第5到6節,就tī大家歡樂暢飲ê時,忽然「有一隻人手出現,用指頭tī王宮ê粉牆上ná燈光siōng亮ê所在寫字」,chit時chūn伯沙撒王看tio̍h,面色變kah非常蒼白,「嚇得雙膝顫抖」。

	第7節,ná親像頂pái尼布甲尼撒眠夢仝款,伯沙撒王趕緊chhōe巴比倫國內siōng有學問ê人,mā就是宮廷ê顧問來替王解夢,而且mā會hō͘ in siōng好ê獎賞,包括有「紫袍,帶榮譽ê金phōa鍊,tī王國中居第三高位」。

    第8到9節,結果發現所有ê chiah-ê王室顧問都無任何一個人ē-tàng替伯沙撒王解釋出異象ê意思。這hō͘伯沙撒王koh khah「驚惶,面色變kah koh khah蒼白」。

	「國中居第三高位」,這表示官位kan-taⁿ次tī國王kah王后。Mā有可能除了國王之外,第二高位ê是伯沙撒家己,然後chit-ê會解答牆壁頂文字謎底ê人就是第三高階官員à。

    第10到12節,chia講「太后」,chit-ê字ê希伯來文指ê是「皇后」。M̄-koh kui篇經文看起來是khah sêng「太后」,mā就是老母kah kiáⁿ對話。Koh講,如果是以「老母」(太后)ê身分講話,則chia ê太后,指ê就是尼布甲尼撒ê bó͘,若無就是尼布甲尼撒ê cha-bó͘-kiáⁿ。因為伊iáu會記得發生tī尼布甲尼撒身上ê事件,因為án-ne趕緊提醒伯沙撒考慮邀請但以理入宮幫助伊處理chit件事。伊提醒伯沙撒王,但以理是一個有「異常ê能力,有智慧kah特殊ê才能,會解夢、解謎、解釋奧秘ê事」。

    Chia無jōa清楚到底是發生甚麼事,致使但以理已經離開王宮,á是為甚麼chit pái ê宴席中伊無被邀請?有人講hit時但以理已經年老退休,á是因為王朝替換,老臣舊官mā被更換落來,chiah-ê lóng有可能。

重新查詢 專卷研經 但以理書系列
錯誤回報,請聯繫comm[@]fhl.net