使徒行傳 9章26節 到 9章31節   背景資料  上一筆  下一筆
掃羅tú出來傳福音ê時,m̄-nā tī大馬士革有人質疑,伊tńg來到耶路撒冷ê時,大家「lóng驚伊」,無人「相信伊是門徒」。因為司提反ê事件,大家記憶iáu新。

第27到30節,上帝ê聖神做工,感動巴拿巴,伊就是tī教會開始之初,捐出家己ê田地,kā錢交hō͘使徒kah大家同齊分享ê信徒(參考四:36—37)。後來tī安提阿教會,伊kah掃羅同時被差派去傳福音。Tī聖神感動下,巴拿巴主動出面來見證掃羅歸屬耶穌ê經過,以及說明掃羅tī大馬士革見證福音ê事。因為án-ne,耶路撒冷ê信徒chiah敢接納掃羅,並且得tio̍h機會「大膽地傳道」。M̄-koh猶太人開始討厭伊,想beh殺害伊。耶路撒冷ê信徒就幫助伊逃離耶路撒冷,hō͘伊往大數伊ê故鄉去。

第31節,chit節真重要,說明tī當時已經有建立kúi-nā間教會,包括有耶路撒冷ê,iáu有加利利、撒馬利亞等地lóng有。因為無掃羅積極迫害基督徒ê事件發生,因為án-ne基督徒有一段安寧ê時間,就án-ne,教會tī「聖神ê扶助下建立起來,人數日日增加」。

重新查詢 專卷研經 使徒行傳系列
錯誤回報,請聯繫comm[@]fhl.net