使徒行傳 7章1節 到 7章8節 背景資料 上一筆 下一筆 |
Chit章經文thang講是一篇簡短ê以色列史。作者路加teh描述被聖神充滿、而且帶有聖神智慧ê司提反,就是用家己猶太民族ê歷史做基礎,傳達上帝拯救ê信息。 第1節,「大祭司問司提反」,chit句話表示已經召開猶太人siōng koân議會「三和林」(參考第54節),這會議由大祭司主持,成員有70名,chit pái是為tio̍h beh審問司提反ê信仰是m̄是有問題。 第2到8節,chit段歷史背景thang參考創世記第十二到十七章。主要提起上帝怎樣揀選亞伯拉罕。揀選就是「以割禮做記號號」。Á割禮所表明ê是kah上帝立性命「永遠之約」(參考創世記十七:13)。 |