使徒行傳 28章1節 到 28章15節   背景資料  上一筆  下一筆
Chit章thang分做兩個部分,一是第1到15節,繼續第廿七章航行ê記事。二是第16到31節,描寫使徒保羅tī羅馬監獄ê情景。

第1到3節,船頂ê人lóng上岸後,chiah知影he是馬耳他島。Chit島tī 1964年脫離英國獨立。原本是羅馬帝國ê屬地,tī西西里島ê南方大約有一百公里遠。以前kā它稱做「米利大」,意思是teh指避難所,mā是當時地中海航行tī羅馬帝國間船隻ê中繼站。這島上ê居民好款待chiah-ê tùi擱淺ê船上岸ê人。使徒保羅因為天冷koh落雨,只好拾木柴起火,無想tio̍h木柴裡bih一隻蛇走出來纏tòa使徒保羅ê手。

第4到10節,使徒保羅因被毒蛇咬到,大家認為伊會因為án-ne而中毒死亡,卻無想tio̍h伊並無受傷,chit件事hō͘伊成做tī chit島上siōng受重視ê對象,因為島上ê居民lóng認為使徒保羅就是「神明」。Mā因為án-ne會得thang有機會醫好酋長部百流老父ê病,chit件事傳遍到kui個島上居民,in kā所有病人lóng帶來hō͘使徒保羅醫,使徒保羅因為有聖神同在,lóng醫好in。Mā因為án-ne,島上居民送hō͘這艘船頂所需要ê一切食物,chiah致使羅馬軍官kah兵丁ē-tàng順利繼續kā船頂所有ê囚犯送往羅馬去。Tùi chia就ē-tàng看tio̍h聖神帶領人行世間ê旅途ê時,lóng會有奇妙ê安排,即使人tī環境非常惡質ê狀況下,mā會得tio̍h氣力kah救助。

第11到14節,tùi馬耳他繼續航行到「部丟利」,chia就是羅馬帝國siōng南端ê港口,距離羅馬大約有125公里。這港口mā是當時重要ê麥á交易中心,真繁華ê城市。Tī這城裡,使徒保羅遇tio̍h了「一kóa信徒」,雖然並m̄知chiah-ê信徒是tùi tó位得tio̍h福音,m̄-koh這是真珍貴ê資料。
第15節,chia講使徒保羅一船人來到羅馬後,就tú-tio̍h去亞比烏市場kah三館來迎接伊kah其他同行ê羅馬教會信徒。羅馬教會是甚麼人開拓ê ?Chit-ê直是一個問題,因為使徒保羅從來無去過羅馬,ná到底是甚麼人去開拓建立ê?koh講,chia ê信徒可能已經tùi其他教會知影使徒保羅ê來到,因為án-ne關心kah探聽船期ê事,可見chia ê信徒mā真關心使徒保羅上訴羅馬皇帝法庭ê事。Chit點tùi後來看tio̍h伊tī羅馬受tio̍h好ê款待,以及ē-tàng繼續傳福音,就ē-tàng明白是kah羅馬教會信徒ê支持有密切關係。

重新查詢 專卷研經 使徒行傳系列
錯誤回報,請聯繫comm[@]fhl.net