使徒行傳 27章13節 到 27章38節   背景資料  上一筆  下一筆
Chit段經文說明使徒保羅有聖神同在,伊所講無適合繼續航行是正確ê。第14節記載in ê船tú-tio̍h強烈ê「東北風」ê吹襲,船行真危險。為tio̍h安全起見,船頂ê貨物kah器具lóng hiat-ka̍k à,連性命lóng tī危急中。

第23到24節,tùi chit兩節看tio̍h使徒保羅koh koh再暗時遇tio̍h了天使對伊講話。伊對所有船頂ê人講,上帝必定會照顧大家安全來到目的地。M̄-koh會先「飄到一個島上去」,這島就是第廿八章1節所講ê馬耳他島。Koh講,上帝beh帶領使徒保羅tī羅馬皇帝面前做見證。Chit點真重要,因為tī當時,羅馬皇帝被看做是神明一般teh供奉,使徒保羅beh去伊ê面前傳講耶穌koh活ê信息,hō͘羅馬皇帝知影:真正性命ê主是上帝,m̄是羅馬皇帝。真正力量是來自koh活ê耶穌,m̄是軍事武力。

第27到32節,船頂水手想beh藉機逃走,被使徒保羅發見,伊向羅馬軍官kah眾兵丁警告,若hō͘ chiah-ê水手逃走,大家lóng會無命。羅馬軍官kah兵丁chit pái聽從使徒保羅意見,就kā救生艇ê纜繩砍斷,hō͘ chiah-ê水手無機會家己逃命。因為in有責任保護船頂所有ê人ê安全。

第33到37節,tī he樣危急中間,使徒保羅因為有聖神同在,一點mā不擔心,chit時伊反而成做整艘船ê穩定力。伊用早期教會siōng寶貴ê信仰生活記號:分享愛筵chit種方式,來表達性命共同體ê信仰意義,並且是用「感謝上帝」ê心情分享愛筵。Hō͘船頂共計276人lóng ē-tàng食飽。

重新查詢 專卷研經 使徒行傳系列
錯誤回報,請聯繫comm[@]fhl.net