使徒行傳 25章1節 到 25章12節   背景資料  上一筆  下一筆
新任ê總督是非斯都。當伊去耶路撒冷巡視ê時chūn,祭司長kah猶太人領袖iáu是忘不了使徒保羅ê案子。In要求kā使徒保羅送tńg來到耶路撒冷來審判,m̄-koh伊無答應。伊答應chiah-ê猶太人領袖thang上該撒利亞來控告使徒保羅。

第6到7節,chiah-ê猶太人領袖跟tòe非斯都去該撒利亞,並且真緊to̍h開庭審理案子。M̄-koh控告者iáu是仝款無具體ê證據,這顯示in提告ê罪名並m̄是真實。

第8節,使徒保羅真清楚表明伊無違反羅馬帝國任何律法,mā無ná親像chiah-ê猶太人領袖所講ê,做任何違反律法ê tāi-chì。

第9節kah第廿四章27節情形仝款,chit兩位總督lóng是為tio̍h「beh討好猶太人」,chit種情形mā kah耶穌受審ê時,彼拉多為tio̍h beh「討好群眾」,kā審問bē出有罪ê耶穌判了釘十字架ê死刑仝款(參考馬可福音十五:15)。

第10到11節,「我beh向皇帝上訴」這是使徒保羅最後ê答辯。伊有羅馬公民權,因為án-ne當伊要求上訴羅馬皇帝ê時chūn,任何總督á是teh指揮官lóng一定tio̍h答應。問題是伊為甚麼beh上訴羅馬皇帝?除了是第廿三章11節,koh活ê主向伊啟示之外,可能iáu kah羅馬皇帝驅逐羅馬城ê猶太人事件有關,而chit項事件koh hō͘人認為kah基督徒有密切關係,因為án-ne ē-tàng看出使徒保羅ê用心,伊是想替早期ê基督教會辯護,beh hō͘羅馬皇帝知影:基督徒其實在信仰kah社會生活上是要求真嚴格ê,kah猶太人激進黨派ê人ê時常製造叛亂ê事件無關。

重新查詢 專卷研經 使徒行傳系列
錯誤回報,請聯繫comm[@]fhl.net